弘 CHIRASHI (已結業)

有日本思鄉病嘅我見到呢個二段丼，點可以唔第一時間黎試！三個女仔叫左個蟹二段丼同刺身二段丼，上枱時三個都嘩嘩聲！蟹肉蟹腳多肉鮮甜，蟹蓋用蛋混合蟹糕一齊蒸，令整個蓋都勁鮮甜香滑，超讚！飯亦用上蟹肉蒸飯，食落勁香，好多一絲絲嘅蟹肉同蟹籽混入飯中，食落有層次而且甘香！好好食！刺身飯亦不輸蝕，材料新鮮無筋，三文魚仲要入口即溶帶油香！帶子肥大！蝦亦好鮮甜，入口爽嫩！感覺100分！呢餐係超滿足一餐！