十和田總本店

營業中

休息中

經過3年幾既口罩生活之後，終於等到除罩既日子，約朋友食飯當然係個指定動作，順便當慶祝下。我同朋友兩條友行經尖沙咀金馬倫道，見到有間日本餐廳價錢合理又多lunch set就貢入去。坐低左就用Qr code睇menu同落單，非常方便。呢度既lunch set有成十幾廿個，價錢就由八十幾蚊到二百都有。最後用左10分鐘先揀到兩個set黎share。每一個lunch set都會包一個蒸蛋同麵豉湯。麵豉湯一般，反而個蒸蛋有驚喜，入面材料多，一d都唔孤寒。主食個刺身，新鮮冇雪味，而且份量多，加上厚切，我地一致都覺得好抵食，反而跟個日本飯我地就嫌乾身左d。至於另外既don飯set，賣相精緻又有睇頭，食落仲覺得好好味。因為佢唔係白飯，而係用上湯煮過既，再配埋新鮮爆瀉既刺身，滿足。