影片
更多
2025-03-02
128 瀏覽
今日黎左呢間以前都有食過既串燒舖頭，佢新蒲崗分店係我由食到大都食開，質素有番咁上下，今次約左朋友係尖沙咀，咁岩見呢間，就想試下新店既質素！ 以下係我既推介之選，排名不分先後燒茄子 $38爸B燒既燒茄子蒜蓉量非常足夠，佢同其他串燒舖頭既唔同係，蒜蓉估計係有炒香然後再一齊燒，佢唔會食到兩樣野分開，或者落好多孜然粉去調味！D蒜蓉係食到我食完茄子剩低既蒜都會食埋佢！ 燒豆卜 $15呢樣串燒係爸B燒名物，佢豆卜大大粒，再加上佢地特製醬汁，極度推薦要大量叫！ 燒鮮生蠔 $64呢個燒生蠔真係不得了，蒜蓉量多同孜然粉配搭非常好，食落去個個生蠔係好多汁同水，唔會燒到勁乾，佢個size亦都符合佢個價錢！ 照燒白鱔 $28呢個燒白鱔好少地方可以食到，可能佢落左d醬汁去燒，燒完帶到白鱔魚本身個種甜味出黎，份量雖然唔多，但味道可以稱得上有驚喜！ 日式炒烏冬 $62佢個炒烏冬係我既forever number one！佢個個炒烏冬既醬汁係同其他出面餐廳既炒烏冬係唔同！咸咸地帶少少甜，愈食係愈開胃愈想食，我旁邊個fd食乾淨曬個碟先肯收手！ 煙肉荔枝卷 $22呢個係朋友叫既，估唔到荔枝同煙肉係咁夾！甜中帶點香香既肉同
以下係我既推介之選，排名不分先後
燒茄子 $38
爸B燒既燒茄子蒜蓉量非常足夠，佢同其他串燒舖頭既唔同係，蒜蓉估計係有炒香然後再一齊燒，佢唔會食到兩樣野分開，或者落好多孜然粉去調味！D蒜蓉係食到我食完茄子剩低既蒜都會食埋佢！
燒豆卜 $15
呢樣串燒係爸B燒名物，佢豆卜大大粒，再加上佢地特製醬汁，極度推薦要大量叫！
燒鮮生蠔 $64
呢個燒生蠔真係不得了，蒜蓉量多同孜然粉配搭非常好，食落去個個生蠔係好多汁同水，唔會燒到勁乾，佢個size亦都符合佢個價錢！
照燒白鱔 $28
呢個燒白鱔好少地方可以食到，可能佢落左d醬汁去燒，燒完帶到白鱔魚本身個種甜味出黎，份量雖然唔多，但味道可以稱得上有驚喜！
日式炒烏冬 $62
佢個炒烏冬係我既forever number one！佢個個炒烏冬既醬汁係同其他出面餐廳既炒烏冬係唔同！咸咸地帶少少甜，愈食係愈開胃愈想食，我旁邊個fd食乾淨曬個碟先肯收手！
煙肉荔枝卷 $22
呢個係朋友叫既，估唔到荔枝同煙肉係咁
夾！甜中帶點香香既肉同脂肪味！
燒海蝦 $8（新店特價）
咁岩尖沙咀呢間新店優惠係海蝦，原價48蚊3隻，現家8蚊一隻！姐係平左一半！大隻夾抵食！
其他野食就比張圖你地睇下🤣 都好食，無伏野！
張貼
