超級鍾意食呢一間喺尖沙咀嘅串燒店，中午時間去到都見到好多人食，真係好受歡迎！
今次叫咗佢哋嘅套餐都有好多唔同嘅款式串燒揀，真係十五十六諗咗好耐先決定好！因為啲款式都好吸引！
年糕口感非常之討好，好鍾意呢啲煙煙韌韌口感！
山藥食落甜甜地，而且仲係好有營養嘅健康食物。
香菇串燒真係一流，蔬菜之中呢一款都算好多汁！
芝士蕃茄雞肉、京蔥雞都係必食推介，兩款雞肉味道都好正！本身自己都好鍾意食雞肉，啖啖肉實在太滋味！芝士蕃茄雞肉有濃厚嘅芝士香味，又有清新嘅蕃茄酸甜味中和膩度！京蔥雞就好香香蔥味道！
燒飯糰有好多唔同嘅味道揀，我就揀咗呢一個麵豉味，好鍾意呢啲比較傳統啲嘅地道味道！食落暖笠笠嘅飯團仲有麵豉香味。
