阿土伯鹽水雞 (東廣場)

營業中

休息中

今日去到東廣場行咗一個圈，發現開左好多新嘅食店。朋友話喺台灣食過好多次鹽水雞，好掛住陣味，所以我哋就揀咗呢一間啊土雞試吓啦，過下口癮😜！佢有幾個套餐選擇，我哋就揀咗一人套餐，個餐包左雞胸雞髀各半分，同埋三個餸菜，聽落都唔夠飽😅，所以加咗$5叫咗個細拉麵。醬汁方面，我叫左阿土醬嘅醬料，微辣。而我朋友就叫咗原味小辣。我自己覺得微辣就已經好夠味道喇，我試咗一啖朋友嘅小辣，就覺得太辣🥵，我就會比較建議叫微辣，先食得出佢醬汁嘅味道。啊土醬嘅醬汁味道加一點點甜味，比原味好食。😋😋而配菜方便我叫咗乾豆腐，滷蛋，杏包菇，味道都唔錯☺️。雞嘅份量都幾多，啖啖肉冇骨嘅。整體來講個撈麵所有嘅材料都略為凍左少少，因為佢都係由雪藏箱攞出嚟，凍撈，而台灣食係常溫一啲會比較好食😂。食完之後覺得有啲口乾😝，可能個醬汁都係略為重口味，味精比較多。如果大家要去食可以試吓叫淡口味，可能味精唔會咁重😇。食滿$100仲送一個香港加油嘅利是封。