阿土伯鹽水雞 (東廣場)

喺觀塘返工，收工嘅時候通常都會嗌牙阿土伯鹽水雞做晚餐，我覺得佢個阿土醬汁幾特別😋😋配菜我一定會揀甜不辣，芭樂同埋秋葵，呢三樣嘢撈埋撈麵食好好味，甜不辣煙煙韌韌咁好好味，芭樂甜甜地同埋啲撈麵一齊食辣辣地，都幾清新🙌🏻不過近期買嘅時候發覺啲面嘅份量好似越來越少😫😫因為一直都係喺外賣平台叫開二人餐，之前男仔食都夠飽但係近期就好似兩啖就食完個麵了所以如果可能男仔食嘅話，要加多個飯先得🥹整體我會比75分💙…查看更多

觀塘收工諗住求其食啲嘢。夜晚8:44落單，當時員工亦冇問我係堂食定外賣，收據亦寫明堂食。當坐低咗又唔俾人堂食要人離開。員工態度差，嘢食又好鹹，啲醬料一pat pat，唔會再幫襯。…查看更多

之前都有食開呢間阿土伯鹽水雞，不過次次都係叫一人餐。今日見係兩個人，就叫個一隻雞既套餐啦。🫛套餐包一整隻鹽水雞同埋六個配菜。配菜我哋揀咗兩份百業豆腐，甜豆，黑木耳，豆干同埋雞翼尖。份量都唔少嘅，而且拌得非常均勻，味道都好適中。🐥但係嚟到雞嘅部份就出事了。講到明係全雞，你冇雞翼我都算，我當你係要分開賣。但係兩盒入邊我諗有九成半都係雞胸，脾嘅部份得嗰一兩舊，唔講仲以為佢係變種雞，成隻雞只有胸部😂🙈下次如果要食，我諗我都係揀返一人餐算啦。一人餐有得揀要脾要翼定要胸，唔洗硬食。…查看更多

如果午飯喺觀塘嘅話，我通常都鍾意去阿土伯鹽水雞因為佢性價比高，唔貴$50就有半隻雞+3個餸我最想揀嘅係青蘋果菠蘿同埋西蘭花又有菜又有生果又有雞適合返一個人一日所需嘅營養最好嘅係尤其是戒澱粉質嗰排食呢個夠飽之餘又可以當飯唯一唔好嘅好處就係冇嘢飲如果要買嘢飲嘅話佢剩係得可樂罐裝配所以我會之後再買咖啡或者自己自備飲品去☺️…查看更多

Lunch同同事去阿土伯鹽水雞(東廣場)試咗佢嘅皇牌飯餐($55)，包鹽水雞飯同兩款配料，我揀咗高麗菜同馬鈴薯。整體味道不錯，但咸度可以再平衡下。食品部分鹽水雞飯：雞肉質地嫩滑，鹽香味濃，入口幾滿足，但咸味略重，食多幾啖可能需要配多啲白飯中和下。不過雞嘅分量夠慷慨，飯量亦剛剛好，整體係值得一試。高麗菜：高麗菜炒得清香爽口，調味比較簡單，帶出咸雞嘅鹹香味，係一個幾好嘅配搭。馬鈴薯：馬鈴薯夠腍，入口綿密，帶啲淡淡嘅鹹味，同飯配埋食口感唔錯。⭐食品評分：4/5環境與服務阿土伯鹽水雞主打簡單快捷，環境整潔，雖然唔係特別靚，但食飯嘅氣氛係舒服嘅。服務方面，出餐快，員工態度亦有禮貌，感覺幾親切。⭐環境與服務評分：4/5總體感受阿土伯鹽水雞嘅皇牌飯餐係CP值唔錯嘅選擇，雞飯味道好，有配料揀更加貼心。唯一可以改善係咸度，希望可以再平衡下。不過如果你鍾意鹹香味重啲嘅菜式，呢度一定啱你胃口，值得再試。⭐總體評分：4/5…查看更多

有一日經過觀塘諗緊食乜嘢 諗住食啲輕便啲嘅 唔使咁Heavy咁最後揀咗佢哋食鹽水雞嗰陣時啱啱好下午茶餐 唔係peak hours咁我嗌咗一人餐 冇加面（因為唔想食到太飽）感佢撈完出黎 我食左一啖 勁鹹！！！（應該係當有面感撈）咁我同返啲店員講 佢哋叫咗個資深嘅出嚟 態度超差感話 我哋嗰啲固定咗㗎啦 冇得重新撈過 你食唔到嘅最多加啲水俾你㗎咋 你應該一開頭落單嘅時候要講啦本身我都唔係話好強求，要佢重新整過俾我 我都淨係想有個解決方案 ，加水唔係問題 ，問題係個態度差到我已經完全唔想食最後我直接攞咗一杯清水 逐樣逐樣洗乾淨先食得。 （唔係第一次食鹽水雞，但係第一次食到咁鹹嘅鹽水雞）…查看更多

黎到東廣場周圍行一路未諗到食咩 熱辣辣想食啲爽口啲嘅野 就見到有鹽水雞揀一人餐- 包四分之一份雞同三份配菜 我就揀左西蘭花杏鮑菇同埋百葉豆腐呢個組合全部都好爽脆 佢仲有個排行榜 呢三款配菜都榜中有名醬汁方面我揀左阿土伯秘製醬汁 口感上偏重胡椒粉味 後勁就偏甜 食落都好舒服餐廳有少量座位可供堂食…查看更多

在觀塘工作，我以前經常落黎食隔左一排食落完全唔同晒1）雞好重雪味，肉好凍，雪櫃拎出黎2）涼皮變左腸粉，無任何味道，好厚3）麵線係胡椒粉+生粉水，當初心諗可以食到麵線真係好，可能似阿宗麵線咁，但變左糊仔期間問店員有無調味料，辣醬店員一律話無（其實佢面前有一樽用緊既辣醬）4）一人餐以前可轉雞胸，現在不可以了首先唔係打手亦唔想輕易留食評影響到生意但食物堅係差左好多而家市道唔努力經營保持食物品質真係好難做落去…查看更多

一人餐（1/4隻雞+3款配料） +$8涼皮 $55做完運動過黎補充番啲蛋白質，配料揀咗粟米仔、杏鮑菇、甜不辣。調味揀咗阿土醬走辣。我淨係試過呢度嘅阿土醬🤓覺得好好食就冇去試原味了。味道係有啲蒜味同胡椒粉同甜甜哋嘅味道。調味手法方面，我同朋友仔都揀咗同一款口味，佢個份咸到腎虧，但我嗰份就咸度正常，所以要食到正常調味好似都幾睇運氣🤔涼皮我以為係透明嗰款煙韌涼皮，點知原來係白色雞絲粉皮嗰款粉皮😗口感就係攤開咗腸粉。雞肉唔鞋，配料份量都多，感覺係健康好味嘅選擇。粟米仔略嫌唔夠甜。…查看更多

鋪頭本身已經收左工，但都做埋我嗰單外賣，感激。叫左魯肉飯便當，鹹甜適中，魯肉量又夠，擺入口啖啖都夠魯肉同飯，梅菜嘅鹹酸味又夠醒胃，真係幾好味！再次感謝做埋我哩單晚飯外賣。:)…查看更多

一人餐($47) ●●●○○¼隻雞撈麵調味：原味（主要成份白胡椒+黑胡椒，地道台灣夜市風味）、走辣任選3個配菜：甜不辣、高麗菜、杏鮑菇一字總結 —— 鹹，食完真係要飲返幾杯水。成兜本身係凍嘅，所以更顯重口味🐔雞肉係幾滑嘅，份量都ok，但佢哋定價有少少進取（比起旺角、葵廣同類型食肆），所以唔會特別去食📍 阿土伯鹽水雞💰：●●●◐○環境、服務：●●●○○…查看更多

阿土伯的鹽水雞，肉質細緻，咀嚼時帶有彈性，口感非常豐富。鹽水的滋味與雞肉的天然甘甜相融合，創造出一種美妙的平衡，讓人回味無窮。搭配蓮藕、百葉豆腐和小黃瓜，味道豐富多層次。鹽水雞的鹹香與蓮藕的清甜、百葉豆腐的柔軟以及小黃瓜的清爽相互融合，帶來獨特的口感體驗。…查看更多

去親台灣都會去夜市食鹽水雞😎，個種味道真係食幾多都唔會厭🤣，係香港🇭🇰有時都想過下口癮，會特登去葵廣食鹽水雞，今次就近近地去食阿土伯鹽水雞，發現水準差咗，而且份量都少咗🥸❣️全隻雞餐 $150 +$8撈麵今次揀左一隻雞嘅份量，發現真係少咗好多🥸，喺葵廣嗰間鹽水雞係會有2大盒嘅份量，而呢度係1大盒加1小盒，而且價錢唔平🤷🏻‍♀️，呢個餐可以揀6種配菜，今次就揀咗豬耳、玉米筍、甜不辣、百頁豆腐、鴨腎、杏鮑菇🤓，仲加錢要咗個撈麵，調味要咗原味，係有椒鹽味加少少辣味，都幾惹味😆，配料首推杏鮑菇、百頁豆腐同甜不辣，可以吸到較多味道，雞肉口感就較嚡，質素較之前差咗🫣👅好味度：7.5（10分滿分）無論味道定份量都比之前差咗，好懷念台灣風味嘅鹽水雞🤪 ，而且價錢較進取，葵廣另一牌子嘅鹽水雞較為食得過🤪…查看更多

原本好小事 但真係原本多食都對佢失望 火滾😤下午茶有九折 我哋買咗兩份一人餐我買先 之後朋友再買 店員搞錯咗 以為外賣入左袋（呢度外賣嘅袋係唔使加$1）最後再叫咗個水果餐 $38 折後$34.2（張單有打但就收我$35 冇找八毫子 都唔緊要～到我拎餐嘅時候 叫佢俾個袋我 就話要收$1同佢理論 佢就話個牌有寫八達通就唔會收多原來就係個牌嘅右下角嗰幾個細粒字😅你話就話冇得找啫 但我的確比多咗8毫咁我+2毫你係咪應該俾返個袋我？！🔥🔥🔥而且點解一人餐嘅外賣袋就唔使加錢好唔合理 事前又唔講！如果係冇得找一早比散子你好少咁火滾 以後都唔幫襯佢好唔合理又唔識變通 慳一個袋可以去到幾盡唔怪之得下午茶咁少人 啲店員又成日轉…查看更多

女店員一邊玩手機一邊大聲吆喝客人用餐後要收盤用餐後由客人做並不是每一間店舖的規矩初次用餐並不知道正常聲量通知是可以理解但完全沒必要用罵人的聲線每次有人唔知都咁大聲？唔該大大張通告貼係鋪頭體驗極差 趕客24/2/2024 下午15:45分…查看更多