Madam S'ate (已結業)

復活節假期第一日，同大佬去Element睇咗場1:15嘅海綿寶寶，完場已經2:45，之後決定再嚟幫襯呢度。因為天氣唔太熱同曬，所以坐室外，而坐室外係冇服務提供，好似如果要order就要走入舖頭裡面，雖然係咁，都唔覺太麻煩，同啲待應都盡量配合。環境都幾開揚，俾四面豪宅遠遠包圍住，我哋嗰日都坐咗2個幾鐘，又唔會趕你走，陣陣微風吹都幾relex。當日我哋order咗一個Wagyu Beef Salad 同Fish and Chips, 個沙律好豐富，加上和牛7成熟，雖然油份唔高不過牛肉味都唔錯，牛肉份量都唔少，而且仲有呢度自家製薯片同個Honey Sauce 好夾。到個炸魚薯條啦，一般過一般，炸到有啲油淋淋，脆漿皮厚薄一般，魚肉都幾有口感，唔嚡，食落似急凍貨，都算唔錯，反而個薯條有驚喜。我就飲咗杯青瓜味cocktail，青青甜甜，酒精唔太濃，好啱女仔，而大佬就生啤一杯。總括我其實都唔係第一之喺度進餐，食物唔太特別，反而環境我個人就幾like。