御石燒 (已結業)

今日去旺角行街shopping，朋友話上次食左間石板燒牛肉麻麻地好失望，唯有揾返間有質素既滿足下佢，上openrice 見到原來御石燒可以自己燒，想幾成熟都係自己話事，就同左佢一齊去食

1

門面簡單，一睇就知食石燒牛，午餐有午市推介又平又抵食，但我地今次為石燒牛而來，當然食返石燒牛

1

1

午餐時間黎到坐滿晒人，咁即係唔使驚中伏，我地發現每個人都係點鍋物同石燒，即刻睇下餐牌先，呢度可以用QR code點餐，方便我地跟大隊，點左一個野菜牛肉鍋同一個御燒極上級吉列牛，咁就可以試晒兩款

1

牛肉嫩，配料足

$82

1

自己牛肉自己燒

$118

一上菜就感受到火辣辣既温度，牛肉鍋因為只需要等湯底滾起就食得，我地就動手燒牛肉先因為用石板係長時間保温，所以熱得慢，唔怕牛肉一放上去即刻過熟佢會比一片牛脂肪等食客塗係石板，一陣燒牛肉就唔會”痴“底，夠貼心

1

賣相吸引，味道一流

$118

我地即刻動手塗滿油就放上去燒，牛肉睇顏色好新鮮，肥瘦相間但肉佔大部分，呢個部位先係最嫩最好食，外皮香脆，内裏肉香又有油脂，諗起都覺得正，我中意食熟d，但朋友嫌太熟肉會好”鞋”，所以各有各燒，但都食到自己想食既野

1

如果唔識點燒，佢有圖片指示教食客，簡單易學

1

幾成熟自己話事

1

份量好多

$118

成個餐有成十一塊牛肉，牛肉新鮮又厚肉，呢個價錢真係好抵食燒完配埋個燒汁真係食多兩碗飯

1

配料好豐富

$82

燒好牛肉，個野菜牛肉鍋剛剛好可以食，牛肉份量不算好多，但肉質都可以，主要係野菜配料份量多，有菇類，有菜，有芋絲，只食肉不食菜都唔太健康，兩個人點兩個餐一齊食就可以平衡返
呢間既質素同份量都唔錯，好欣賞佢牛肉可以完全係食客決左點燒，滿足唔同人既要求，值得下次再黎