御石燒

營業中

休息中

御石燒今次要介紹旺角一間價錢好親民高質石板燒肉店，燒肉店入面座位唔算多，一到Lunch大把學生OL等都入去食，而我就等佢哋食完先慢慢入去，店員好好人，幫我搵一個適合嘅位置比我坐，店內空間唔算大，枱面唔大，放兩個套餐加兩個石板爐已經好逼，逼到唔記得咗同食物合照，我每去一間同食物合照都係指定動作，今次真係失策！仲有仲有店員一見到我石板爐無火就好快幫我點火，店員非常細心，雖然店內非常繁忙，但佢一眼關七都唔夠，係一眼關七百，非常厲害！呢間石板燒肉店門口有一級，雖然門口一級都算高，好彩我都入到，我用緊嘅迷你斜板開始唔夠我用，我越食越高級，我係指門口一級，喺時候考慮買長一d斜板啦！🤣🤣🤣1.御燒嫩牛舌芯$108+紫菜味素飯+流心蛋+無糖可樂$22（10/10）呢個御燒嫩牛舌芯個套餐真係非常抵食，有薄切嫩滑牛舌芯11片，仲可以加$22有好香紫菜味嘅素飯、一隻流心蛋加罐裝無糖可樂，真心非常好味，暫時係我嘅石板燒肉天花板！2.御燒極上級吉列牛$118+紫菜味素飯+流心蛋+芬達$22（9.5/10）呢個御燒極上級吉列牛個套餐真係好抵食，吉列牛有10舊，外面已經鋪上炸粉，只要將吉列牛每邊燒三分鐘就食得，點解

次次去到廣華街都唔知揀邊間餐廳好，超級推薦呢間新開石燒牛，價錢非常合理，除咗燒肉仲有蓋飯大約$50-80最熱賣的就是石燒牛無論肉質和份量也是同區天花板，我哋總共嗌咗兩個套餐share食可以試多啲口味御燒特級牛小排極上級黑松露吉列牛兩款石燒牛各有特色，如果特別喜歡有調味和香口，黑松露吉列牛最適合不過，黑松露調味唔會太過火，牛肉夠厚身，在石板上面可以控制牛肉的生熟程度，煎香之後肉味很香濃如果喜歡吃原汁原味，牛小排就比較合適，牛小排相對比較少筋，肉質也是容易咬開，就算有幾塊唔記得睇火都依然好食，比起同類型餐廳，食材明顯更優質值得一讚的由於我哋燒得好慢，就算我哋唔出聲都有主動加火而且套餐可以upgrade加廿零蚊紫菜飯味素飯和流心蛋，好開胃不經不覺吃完整碗飯—————————————————御石燒 (旺角)旺角廣華街2-20號翠園大廈二期地下10號舖

御石燒（旺角）今次去試一間高質石板燒肉店，位置唔量好多。我同朋友分別點左御燒極上級吉列牛（$118）同御燒特級牛小排（$158），另外可以再加價加紫菜飯、漟心蛋、飲品等等。枱上會有教學，話俾你知每一塊牛肉應該要燒幾耐。火係用蠟燭，如果用完隨時就舉手叫職員幫手換。一開頭會有一塊牛油俾你，等你唔好黐底。牛肉份量好多，完全夠食。兩款牛黎講，吉列牛相對會更香口，而牛小排就相對軟身易咬，各有千秋。推介！！！

是日喺旺角行街，路經廣華街翠園大廈呢間御石燒，門口餐牌頗吸引😍😍原來餐廳主打御石燒☺️☺️ 好有綽頭😃😃我同朋友兩個人叫咗兩客午市套餐😍分別係御燒極上級吉列牛和御燒特級牛小排。兩款當中我就比較鐘意御燒極上級吉列牛，唔太油膩😄呢度既套餐份量都唔細，足夠大食既我😆😆😆御燒極上級吉列牛御燒特級牛小排餐廳🍴仲有唔少小食可叫，見到隔離枱有多人聚會，叫咗好多款炸物小食，非常吸引😛呢度好岩一大班朋友一齊黎😛😛😛御石燒 (旺角)旺角廣華街2-20號翠園大廈二期地下10號舖

有次同friend行過旺角，行到有啲攰，咁啱見到有間日式燒肉，但位置有啲格攝本身都係冇太大期望，諗住入去食一餐算見價錢唔算話好抵，二百幾蚊，同個friend嗌咗個燒肉餐，食完之後覺得又OK喎紫菜飯好食，肉都唔差，缺點嘅話就係位置上要搵一搵

🥩特級牛小排呢一款晚市嘅價錢係$158起，另外可以加錢配搭飲品。呢度嘅牛小排已經係切好咗一片片薄切，鋪滿咗成隻碟✨打卡一流上枱嘅時候餐廳侍應已經提醒我哋熱石上面有一嚿牛脂，搽滿油之後就可以攞走佢牛肉肉味比較濃，肉質亦都相對上比較腍😗配搭埋菜絲一齊食會比較解膩🥩御燒極上級黑松露吉列牛呢一款相對牛小排就比較濃味，外層嘅吉列皮用咗黑松露調味。口感方面相對牛小排比較有咬口，食得比較多嘅時候黑松露味就冇咁突出啦🙈但係整體一開頭味道係好驚艷嘅今餐會有一隻糖心蛋，味道偏鹹少少🙈不過中間蛋黃流心程度啱啱好😛個人覺得都幾好食當日餐廳只有一個店員😆雖然一腳踢比較忙但係佢都好留意每一個顧客嘅需要，亦都會定時幫手更換石板😚好細心

肥肥人今次去吃石板燒肉，好味好味～美味しいMenu～用QR code落單喔食用方法御燒特級牛小排 $158牛嘅份量都夠Vivian 飽😙用牛脂肪燒仲惹味😋牛小排咬落好juicy，溏心蛋好香，煮得啱啱好又有流心，送飯一流，而個白飯上面鋪左飯素，夾牛肉食真係會好味左，最重要點埋個醬👍🏻👍🏻御燒極上級黑松露吉列牛 $138呢個吉列牛燒嘅時間較牛小排長，燒完都係內軟外脆，牛肉真係好滑嫩，又夠香，配埋個飯食真係好正正👍🏻👍🏻真係幾好食，想再食過😋😋😋😋

最近來到旺角，被御石燒既招牌吸引，決定入去一試。餐廳環境乾淨企理，店員態度親切友善。☺️😊我自己就從來無食過石燒牛，見個價錢都唔算貴，所以就同朋友叫左兩個set。😌😎我地叫左極上級黑松露吉列牛同御燒特級牛小排，兩道都令人有驚喜。😍🤩黑松露吉列牛外層酥脆🤤，肉質軟嫩多汁，配上濃郁的黑松露醬，香氣四溢，令人回味無窮。而御燒特級牛小排肉質鮮美，帶有淡淡的炭香，配上特製醬汁，更添風味。兩道set都有糖心蛋、紫菜飯同汽水。糖心蛋滑嫩可口配埋紫菜飯簡直係完美配搭。整體而言，御石燒的餐點品質高，價格合理，絕對值得推薦給鍾意日式料理既朋友們。下次黎旺角，不妨黎御石燒試下抵食既日式石燒牛，如果唔食牛既食客都有其他菜式選擇架！😉

看圖就知道很火🔥了吧！！！現烤的牛肉誰不愛！！！推介御燒特級牛小排！！有送一小塊牛油 烤完很juicy！！！我用來碼飯🍚 套餐還有溏心蛋🥚我真的愛慘！！😝我喜歡烤完慢慢吃！！🤤一整碗很滿足！！！入口淡淡的牛肉香味 咬一口一個爆汁 還有紫菜飯素 真的好愛這個搭配🫶🏻🫶🏻！！御燒極上級黑松露吉列牛 也具特別！！外面不知道下了什麼功夫！！！烤完吃起來是脆的！！！厚切一盤整個份量 牛🐮人狂喜！！！這個三分熟就開吃了🫶🏻質數真的一流👍🏻選套餐還有送飲料🥤or 麵豉湯 海帶真的好好吃🤤 這一碗下去一整天city walk 都充滿能量💪🏾環境還不錯😌很多小年輕來吃！！值得一試😋👍🏻

💠御燒特級牛小排+白飯上菜時先要將牛脂肪搽勻石板上面燒，就可以開始高溫石板燒烤肉✌🏻🤩有成十幾塊特級牛小排！每塊都呈現大理石花紋，油花分布好豐富，油香都好重🤗鮮嫩多汁，質地柔軟！💠御燒極上級黑松露吉列牛+白飯份量好足夠，仲要全部係厚切🤩🤩😳用石板炙燒，最好嘅就係生熟程度由自己掌握！吉列牛周邊都包左一層黑松露麵包糠，外脆內軟，食落有淡淡嘅黑松露香味😍口感好豐富，好飽肚！🎀😊餐廳舒適，上菜速度快，餐廳店員服務態度友善，會主動好快手咁幫你加炭精，抵讚👍🏻

自從認識了另一半後，就好多時在旺角油麻地一帶行街食嘢，某日行經廣華街發現了一間日式牛扒餐廳，價錢超誘人😍家人話「之前食元朗個間2百幾3百」而廣華街呢間最貴的套餐則無需2百😚既然有間咁抵食當然約埋小妹媽媽一齊食啦🤭，御石燒有多款選擇，每款都幾吸引🤩小妹揀咗《御燒極上級吉列牛》；小妹媽則係《御燒極嫩牛舌芯》。套餐包白飯或椰菜絲沙律，飲品要另外加錢，當然食住熱辣辣美食、飲啖汽水特別爽❣️每次都覺得吉列牛好神奇，究竟吉列外皮係點整呢🤔今次都好好食，火🔥又夠猛，同埋睇住啲火舞動都好靚😊，牛舌芯好嫩同份量多，石燒時伴隨肉食與油擦出的’滋滋聲‘，令成件事特別美味🤤先用已給予的油脂均勻塗滿已預熱石板，然後夾走油脂放一旁，再放上吉列牛每邊燒3分鐘，燒至焦香，燒好後可根據自己喜好沾醬或配鹽一齊享用🫶🏻；而牛舌芯則比較快熟，小妹建議燒耐啲就易咬啲，但都係跟個人喜好啦❣️

一向對日式茶餐廳已經冇乜要求，覺得特別差先寫負評，個飯一入口就擰晒頭可以話係難食，麵豉湯淡味道唔知自己飲緊啲乜！過喺Jusco買即沖包嗰啲，冇服務夠膽死仲要加一

仲記得好多年前啱啱興起石燒吉列牛既時候係某餐廳第一次食呢樣野，完全唔明有咩咁好食，多年後再比次機會吉列牛先發現原來佢係可以好好食既對比起當年食過既吉列牛呢到既份量多成倍，又有番咁上下厚度，可以見到啲牛本身色澤鮮豔又有啲油脂，燒完有牛香又唔會食到成口油，個燒肉醬點肉又得撈飯又得，個飯啲飯素都落得好重手，令到個飯味道非常豐富。除左吉列牛之外呢到仲有石燒牛小排/牛舌可以揀，我地食左呢個石燒牛小排又係非常出色都係肉味濃又有適當油脂，而且完全唔韌，啲牛就算燒耐左啲都係咁好味，完全唔洗擔心火候問題。不過佢個指示寫燒3分鐘就其實唔洗咁耐，因為個石好夠熱而且店員見就黎燒完都會即刻走黎比多舊燃料。曾經係出面食過石燒牛係比冷氣吹住個火上唔到黎最後有啲肉係燒極都唔熟，仲有去過間食石燒成塊牛排既啲肉超韌，呢間真係暫時食過既石燒肉黎講最出色，價錢又唔貴，值得一試

➤御燒極尚級吉列牛 $128- 配椰菜絲沙律主食可以揀跟沙律/白飯升級套餐可以跟埋紫菜味素飯、流心蛋同麵豉湯🥣朋友唔係好肚餓 揀咗沙律沙律新鮮爽脆 醬汁酸酸甜甜 解膩一流～吉列牛份量好多 有10塊雪花紋理清晰 脂肪比例平均入口juicy牛肉味濃點埋醬汁一齊食又唔會蓋過牛肉既鮮味➤御燒極嫩牛舌芯 $118- 配白飯自己燒嘅好處就係可以掌控生熟程度每邊煎一陣 已經🆗牛舌口感好嫩 薄切得黎仲有少少咬口 送飯絕配！上菜嘅時候會跟埋一舊牛脂肪俾你將脂肪搽勻係石上面燒肉嘅時候就唔會痴住🥩個火熄咗都唔使驚服務員一見到就會幫你加返粒炭精😚服務態度👍🏻食物質素好 性價比高餐廳裝修簡約闊落 坐得舒服✨會再encore ‼️📍御石燒 (旺角)旺角廣華街2-20號翠園大廈二期地下10號舖

好耐冇食吉列牛，今次嚟到旺角唔想排隊同人迫，一於就試吓呢間位於廣華街嘅御石燒御燒極上級黑松露吉列牛 $148有十塊吉列牛，而且好厚切，根據餐廳嘅指引每面燒3分鐘，因為厚切嘅緣故肉質好豐富，可以鎖到肉汁，所以好Juicy，微微嘅黑松露香同埋外層嘅吉列皮令成個口感更豐富，另外可以點少少鹽令到味道更加出，又或者點預設嘅醬都好味😋紫菜味素飯+流心蛋+麵豉湯 +$35本身配白飯免費，都可以加錢upgrade套餐，紫菜味素飯唔使講就知好味啦，份量好多，絕對足夠撈晒成個飯食，另外流心蛋肉眼可見煮得好完美，生熟程度簡直100分，連蛋白部份都好嫩滑，麵豉湯就正正常常唔係太特別御上特級牛小排 $158 朋友就叫咗呢個牛小排，見到份量都好多，厚度切得啱啱好，輕輕燒一燒就食得，由於油脂豐富，食落牛肉味頗出，有口感得來，又絕對唔韌，肉質比吉利牛好嘅，咁就視乎大家想食咩啦，最好就同朋友嚟，一人一個share住食😁