-
餐廳乾淨光猛，裝修以木系為主，坐得好舒服🥰我哋去嗰日係假日嘅中午，餐廳都好細心咁準備咗午市定食，佢哋最出名係廣島燒同大阪燒，梗係要試晒佢哋啦😍一共叫咗三個套餐
🌟廣島燒配廚師沙律 $118
每個套餐都包括麵豉湯、同埋前菜，今日嘅前菜係牛蒡小食☺️因為我哋係坐吧枱，所以見到日籍師傅即叫即整😍先係金黃麵糊，再放爽脆椰菜同豆芽，加入彈牙炒麵同五花肉，最後蓋上煎蛋🍳整個製作過程流暢得嚟充滿技巧，最後灑上同木魚粉，熱氣騰騰上枱，香氣撲鼻👍🏻利申我哋叫咗走海苔粉🤓
全部嘅配搭都經過細心嘅設計，入口就食到濃濃嘅醬汁，層次豐富，一啖有齊菜、肉、麵好正🙌🏻
🌟大阪燒配南蠻炸雞 $118
師傅將麵糊倒在鐵板上，「滋滋」聲真係治癒，大阪燒就係冇麵嘅，同埋會比較多蔬菜同麵糊，賣相好靚呀🥰會食到麵糊入面大啲爽脆嘅椰菜，加埋勁多醬，食到最尾有啲覺得重口味😗
1
旁邊嘅南蠻炸雞同樣出色，外脆內嫩，蘸上巨多他他醬好正☺️
🌟鰻魚定食 $188
雖然唔係喺鐵板製作，但鰻魚嚿嚿厚肉，魚肉軟嫩，醬汁甜度適中，配日本米飯真係絕配！
坐吧枱仲可以同師傅有眼神交流，感受到佢哋對食物嘅認真同堅持，最正係坐到鐵板燒吧枱位，成個用餐體驗即刻提升晒😋
