Little Mario's Pizzeria (綠景NEO) (已結業)

我今日去左牛頭角，呢間叫little Mario's pizzeria ，見到地方都幾relax, 大直落玻璃彩光度十足，地方雖少，大概十張枱內，不過地方乾淨舒服。呢間舖頭出名食pizza，佢地嘅pizza都係每日新鮮製造，所有醬汁都是自家製的，見到menu佢地2021年喺意大利薄餅之王世界錦標賽中得到最佳獎， 而且麵粉係出自意大利出名嘅薄餅店，好似好pro咁！因為諗起老公想食，嗌左個pizza同飲品返屋企同佢食。食左夏威夷pizza，有火腿，菠蘿，蒜蓉，同莫扎里拉芝士，好吸引，有大同中size分，佢地價錢吾貴，L size 158元,M size 98元，即嗌即整，返到屋企雖然凍左，不過仲好好味丫！芝士味濃，餅底都好食！厚薄適中。仲有嗰個肉醬意粉，味道好好食，唔會太鹹，感覺比較健康，份量岩岩好，吾會食吾晒浪費，又環保，好岩女仔啦！整體感覺好好！可以再食！