Little Mario's Pizzeria (綠景NEO) (已結業)

d雞翼好細隻不特止，而且我係見佢聲稱係自家醬汁所以先嗌，點知d雞翼係冇味，唔通呢個就係自家醬汁？🙁同烚差唔多。仲有！間舖係冇冷氣咁濟，好熱！佢部風機寫住係29度🥵🥵

觀塘海濱旁的一間西式餐廳，晚上環境清靜舒適，好適合假日同朋友來放鬆一下🥰餐廳環境乾淨企理，食物款式選擇豐富，質素很不錯，店員服務態度很好👍🏻晚市二人消費（外賣）：$246 🫧不設加一服務費🫧💖食評💖食肉獸薄餅 T-Rex ($128/9’’)✨ 辣肉腸、火腿、印度馬薩拉雞肉、意式腸肉碎、帕爾瑪火腿、莫扎里拉芝士即叫即製🔥 鹹香惹味，鋪上滿滿的肉，好足料😋 芝士做到拉絲效果，餅底夠脆身👍🏻松露卡邦尼意粉 Truffle Cabonara Spaghetti ($118)✨ 煙肉、蛋、松露推薦，好味有驚喜！十分香濃的黑松露味，醬汁好 creamy，好飽肚！煙肉鹹香味十足🤤🤤 意粉軟硬適中，口感味道滿分！外賣回家仍是熱騰騰～

遇上限聚令 黎海濱散步人煙都稀少啲 突然好有外國行海邊既感覺 一於就外賣個pizza返去繼續延續呢個外國休閒生活個環境好chill 啲員工都係講英文 所以感覺更加外國由於啲pizza都係即整既 所以等待既時間都需要耐少少 今次叫左個食肉獸pizza 批邊有少少硬 但中間啲位好正！佢唔會太多醬 所以材料既味都出到 而且啲芝士都做到拉絲 以外賣質素 算唔錯！忌廉雞肉闊條麵都好有驚喜！雞肉份量多 忌廉亦好夠creamy 👍🏻👍🏻👍🏻期待下次再去行係可以堂食😆

近排想搵d餐廳可以同朋友食下Tea，傾下計、Chill下嘅餐廳😆咁岩係Openrice見到位於觀塘綠景NEO嘅Little Mario's Pizzeria ，環境幾好，又可以Hea下傾下計，所以我地就決定要去啦～餐廳位於觀塘海濱附近，係牛頭角站出會比較近，如果係牛頭角站B6出口出，大約行6-7分鐘就到，餐廳座位唔算多，以四人位為主，啡色磚牆配上掛燈，重有d酒作擺設，臨近聖誕亦有少少聖誕裝飾添🎄松露卡邦尼意粉 $118 ⭐️⭐️⭐️⭐️⭐️賣相好靚📷一上枱就聞到好香黑松露味😍超級多芝士🧀😍！！意粉軟硬度適中，個汁又夠曬Creamy😍😍好好食🍝推薦😋自家製醬汁雞翼 $68 ⭐️⭐️⭐️⭐️一碟有8隻，雞翼肉質嫩滑🐔醬汁酸酸甜甜好開胃😆而且醬汁味道唔係淨係係表面，雞翼入面都食到醬汁味道架🥰好入味🤩Peach margarita $78 ⭐️⭐️⭐️⭐️甜甜地幾好飲🤩無酒精雞尾酒真係好適合同朋友一邊傾計一邊飲🤩餐廳亦有戶外位置，有興趣可以同朋友一齊黎Chill 一 Chill ，食個Tea飲下嘢🥤👍下次有機會想試埋Pizza🍕

係碼頭行左一陣,就係附近搵好西。呢間西式餐廳平平地,叫左個pepperoni pizza,有不同size選擇,仲可以加錢加配料。醬汁入味,我仲加左個小食,係炸芝士條,見到d芝士係拉絲,外脆內軟,味道實在唔錯!飲品就叫左個fresh lime soda!無糖,清新得黎又健康!臨近萬聖節,個佈置已經好岩個主題!呢度仲有好多唔同口味既pizza,總有一款岩你口味。中意呢度性價比高,同朋友chill一chill!

今日同朋友諗住叫外賣去觀塘海濱食晚餐 咁啱嗰度有人busking 一路聽住歌一路食晚餐🥳呢間西餐廳喺正附近 行5分鐘就到觀塘海濱 所以黎個外賣自取😚 但原來入邊都坐得幾舒服 座位闊落 下次可以堂食😆我哋三個人 叫咗一個pizza 兩個主食share😚T-Rex 食肉獸 M $128 我哋都鍾意食肉 所以叫咗講咩都有嘅pizza 齊晒辣肉腸、火腿、雞肉、parma ham、芝士 個pizza 厚底脆身 不過parma ham 略為鹹 但個薄餅係好食嘅！ 見廚房都係外國人整 相信都係地道嘅手工薄餅！而且夠飽肚😚松露卡邦尼意粉 $118 超多芝士！！ 卡邦尼同松露向來都好夾 意粉都幾彈牙 夠creamy 唔會話唔夠汁👍🏻辣肉腸蕃茄醬意粉 $118 濃郁蕃茄醬味 意粉一樣彈牙 ～

▫️Little Mario's Pizzeria 觀塘海濱道123號綠景NEO地下1號舖餐廳位於觀塘海濱附近，距離牛頭角地鐵站較近，只有數分鐘的路程。店面裝潢雅致整潔，雖然餐廳面積不大，但座位寬敞舒適。🍽️ Chicken Wings, 8pcs - arroy arroy 自家醬汁雞翼雞翼炸得金黃色，表皮香脆，肉質嫩滑。🍽️ Fries with Truffle Sauce 炸薯條配松露醬黑松露醬很香，與即叫即炸的薯條很夾。🍽️ Hawaiian Pizza 夏威夷薄餅薄餅比較薄身，表面滿佈濃郁的蕃茄醬和莫札里拉芝士，火腿和菠蘿好甜，整個口感豐富而且香口。🍽️ Pappardelle ai funghi Pasta 蘑菇闊條意粉闊條意粉是手工意粉，非常有咬勁，奶油味很濃郁，配上份量很足的蘑菇和芝士絲，十分滿足。🍽️ Meat Balls, 8pcs 肉丸肉丸彈牙而且醃製得很入味，與蕃茄醬味道很夾。🍹Cinnamon Apple Earl Grey Infused Tea 玉桂蘋果伯爵茶玉桂味很重，入口香甜清新。

本身喺觀塘返工嘅，我一直都好留意依一間餐廳，因為我係一個薄餅迷今日收工終於有機會約女朋友一試.一試之後非常之有驚喜店面雖然唔大但座位都安排得非常之舒適.餐牌都有非常多嘅選擇大部份都係關於意大利嘢同埋少量嘅印度嘢可以作為選擇食肉獸薄餅叫得食肉獸代表佢有好多唔同種類嘅意大利香腸火腿乾.雞肉.肉類非常之豐富，多類型但非常夾配上薄餅底嘅蕃茄醬淡淡意大利腸香薄餅底仲好趣.非常之抵食自家製醬汁雞翼八隻份量有八隻，非常之夠食..自家製醬汁酸酸甜甜非常之嘢味..忌廉雞肉闊條麵雞肉非常多..意大利粉份量都很多忌廉主要醬汁非常之香滑意粉面仲有巴馬臣芝士溝埋一齊食非常之好食Mojito 食飽配上青檸汁加薄荷有濃濃嘅酒精..飲完非常開胃

今日約咗朋友去觀塘海濱，途中經過呢間主打pizza嘅餐廳，決定買啲嘢食黎個簡單嘅night picnic🌃.餐廳唔算大，但係溫馨嘅格局俾人一種舒適感🍺.我地三個人order咗一個medium pizza同兩個pasta，份量啱啱好。.Pizza嘅款式花多眼亂，好多款都好吸引🥹 我地最後揀咗《T-Rex食肉獸》，配料豐富，啖啖肉好滿足😆 masala香料嘅味道好出，好惹味，而且同其他配料&芝士好夾👍🏻 pizza嘅餅底好香脆，都值得一讚😆.《辣肉腸番茄醬意粉》味道酸酸甜甜，帶少少辣味，食落light啲唔易滯，同埋呢款pasta就算凍咗都唔會黏埋一舊，係picnic嘅好選擇🧺 .《松露卡邦尼意粉》味道相對就rich好多，好欣賞佢嘅黑松露味夠晒香，個汁又夠creamy，真係唔錯!.最後要讚下，雖然我哋係外賣，拎去海濱之後都難免凍咗少少，但係味道都唔會失色呢💛

今日同朋友過嚟觀塘海濱呢邊chill，到咗夜晚順便搵埋附近有啲咩食，見到呢間意大利餐廳有pizza食，又有pasta，好似都幾唔錯就一於一試。《雞翼八隻》$68呢度嘅雞翼係用佢哋嘅秘製醬汁去整，識落有少少魚汁味，幾特別，整得入味雞翼夠熱又夠嫩。重點係抵食有足足八隻。《雞肉忌廉闊條麵》108記得一班人食Pizza Hut嘅時候一定會嗌呢個闊條麵，所以嚟到呢度見到就即刻嗌。味道都幾好 忌廉汁好夠，麵條掛汁，雞肉份量又夠多。《T-Rex》$128我哋嗌咗九吋嘅Pizza。呢個Pizza應該係為食食肉獸而準備，大雜燴乜都有，辣肉腸、雞肉、Parma Hem，口感非常豐富，而且Pizza係即叫即焗，薄底脆邊 好好味。最後飲品方面我哋叫咗Lime Soda and Grapefruit tea，兩杯都好好飲，尤其是Grapefruit tea有天然嘅甜味！呢餐真係好滿足，下次過嚟海濱呢邊可以再戰。

最近天氣開始涼快，去海傍散散步終於唔再係受罪，而係enjoyment。呢一日就喺西灣河搭渡輪過來觀塘海濱行下，放鬆下心情。而家觀塘海濱長廊有啲幾有特色嘅裝飾，係散步慢跑嘅好地方。行到咁上下都有啲餓，就同女朋友即刻上黎openrice睇下附近有咩餐廳選擇。最後我地選擇左呢間位於綠景NEO嘅西餐廳「Little Mario」試下。餐廳鋪頭唔算好大，但裝修有啲外國小餐廳嘅感覺，幾chill。店員主要係講英文嘅，服務都幾熱情，所以有啲去左外國嘅感覺！餐廳主打pizza、pasta等西餐，但其他小食、沙綠等選擇亦頗多。俾大家睇下menu～前菜我地叫做個雞肉凱撒沙律。沙律菜好新鮮，加埋啲醬雖然好邪惡，但真係幾好食。如果大家唔想咁多醬，可能要提早同店員講。Pizza方面我地叫左個肉食獸Pizza。叫得做食肉獸，當然好多肉啦。而佢地啲芝士好滑，配合啲配料食幾正！Pasta我地叫左一個黑松露手工意粉：意粉好彈牙好掛汁，而黑松露雖然唔係好多，但都幾香！咖啡我叫左杯flatwhite，但呢度似乎無拉花嘅。不過唔緊要啦，飲落去都唔錯。總結，呢度食物同環境都幾好，喺觀塘海濱散完步不妨來試試！

位於綠景NEO地下嘅pizza店，望落餐廳都佈置得好雅致乾淨，好適合一班朋友黎chill下。今日諗住買少少野食番同朋友去附近海邊談心，侍應基本係外國人，所以都要用英文黎溝通。  係pizza入面揀咗meat lovers，身為肉類嘅愛好者我一定揀佢！pizza有3隻手咁大，上面鋪滿辣肉腸、火腿，雞肉，仲灑上一層層邪惡嘅芝士。一拎上手已經香噴噴，pizza底好香脆，配料非常夾，一定要趁熱食先正呀。 淨係叫pizza係唔夠喉嘅，我地仲叫咗雜菜咖哩角vegetable samosas，一共有8件，好似黃金金字塔咁，每件都脹卜卜，一咬非常脆口，入面嘅材料亦都非常豐富，係薯仔蓉再加少少青豆青椒孜然，唔少香料嘅配合令到平平無奇嘅薯蓉都變得入味，真係皮薄餡靚。 額外仲有2罐汽水。 外賣拎走之後同朋友係海濱公園邊食邊吹下水，真係爽到爆。 

難得放假，梗係要去海邊chill一chill😎呢間餐廳離牛頭角地鐵站都係幾分鐘，行過嚟都唔算太遠，而且侍應都係講英文，感覺就好似去咗外國咁☺️☺️首先當然要試佢最出名嘅Pizza啦，聽聞佢哋係手工製造，我哋就揀咗個最多料嘅食肉獸，果然淡淡都係肉！pizza厚薄適中，多料得黎而且有脆邊，好正！意粉方面就叫咗個松露卡邦尼意粉，松露味勁香，而且都有好多煙肉，仲非常creamy 😋個雞肉凱撒沙律都唔錯，啲沙律菜好新鮮，而且仲有麵包脆脆，口感豐富👍🏻👍🏻飲品方面就不過不失，咖啡雖然冇拉花，但係味道都唔錯，藍色嘅青靈梳打打卡亦都一流👍🏻👍🏻食完仲可以去海濱散下步，都真係幾chill架😋

店面比想像中細，不過勝在座位夠闊落。有好多人帶埋小朋友嚟食野，場面好溫馨😋Menu 選擇唔多，但pizza 有得雙併呢點好正！最吸引我嘅係呢個自家醬汁雞翼～ 食落先感覺到係柚子醬，不過加埋檸檬同少少辣椒，令到個汁更加有層次。Parma Ham Pizza 個餅底好似印度薄餅，好有驚喜🤣意粉就正常發揮，蕃茄味濃，煙肉部份好脆口。抹茶牛奶嘅咖啡味好重，綠茶味主要來自最頂嘅綠茶粉，略嫌綠茶味唔夠。咁就過咗一個晚上！餐廳好近海濱，食完散心一流～

星期六中午去左牛頭角Little Mario's Pizzeria 食中午。牛頭角地鐵站行7分鐘，唔算太遠。午餐雖然唔算大，但幾舒適appetizers 主要係6至7款小食為主，有chicken wings, meat balls 而我就叫左炸薯條配黑松露醬。薯條炸到好脆口，加埋個黑松露醬，好夾。Main course 有pizza(超過十款口味) 同pastas (6至7款口味)。我就叫左個意式肉腸pizza(medium size) 。pizza 個底都好脆口，好香芝士既味道，pizza 面佈滿mushrooms, 青椒同意式肉腸。咁多樣toppings 加加好夾好香口。值得一提係餐廳有一些印度curry food，例如chicken curry 牛油烤餅。雖然我無叫，但見到隔離枱叫左賣相唔錯，離遠都聞到好香既咖哩味。整體黎講，餐廳環境同服務都幾好，食物質素唔錯，值得再去。