松 (已結業)

香港急速既節奏令人每時每刻都想有個喘息既空間，所以不時要外遊搵個後花園放鬆一下！入到店內就好似去左另一個世界咁，師傅，店員同客人一齊好似朋友咁傾計，整店既客人不論識唔識都一齊傾計，品嚐師傅所推薦既美食！一面享受新鮮既刺身同師傅調味調得岩岩好既味道！感覺好有深夜食堂同日本既居酒屋個種既互動！比起係日本聽唔太明師傅講咩，係呢到實在同聲同氣得多！邊食邊品嚐個暖暖既茶壺湯，有海鮮鮮味又唔會太濃，確實唔錯！師傅推介既釀蟹蓋，暗藏滿滿既黑松露，味道濃郁，不但口腔充滿左香味，香味更漂浮係店中！帆立貝壽司有炙燒既香味，但完全唔會掩蓋左帆立貝既鮮味！壽司配搭味道都都好好！好既氣氛令食品既價值再提升左一個層次！場內有不少既酒，大家一齊把酒言歡，實在令人輕鬆，確實係個難得既後花園！