傷心酸辣粉 (已結業)

近3點，飲左兩杯咖啡，又未食晏，個肚好餓，佢隔離個3間米線粉麵都爆哂棚，無位坐!但佢呢間野勁冷清(間舖勁大，我諗佢呢間應該係佢地旗下頭一、二間最大的店)，又無乜人，個肚餓到唔等得，就走左入去試!因為佢總店裝緊修，好耐無去過食，一打開餐牌，嘩，貴左好多，全線都加哂價!酸辣粉 & 豬骨湯粉一加加到$20碗! 加餸由$6-$10佢地D分量已經少過人o架啦，又從來都無下午茶餐，唔怪之隔離果幾間咁爆，佢間舖大人地好幾倍都只得個幾枱客，仲要係一人可以坐一張枱果隻!坐左落去就算啦，叫左個酸菜牛腩薯粉，諗住睇下得唔得先叫小食!夥計，咪就係遊緊雲，叫左好耐先聽到果種囉!出單比客勁慢，等左好耐，我前後叫果兩個都有粉有單啦，但我兩樣都無喎!:係呢個時候，我之後叫野食果個女仔就叫左個夥計埋去，原來我碗粉佢地落錯左係個女仔張單度!之後我碗粉嚟左，但都仲要等多成10分鐘先出到張單俾我講返碗粉，牛腩應該係出面交貨的雪藏五香牛腩，因為同我係其他食店食到的味道一模一樣，不過佢弊D，因為佢完全無自己再加工過!最最最最最大問題係佢D薯粉!味道同總店用果D味道有D唔同，而且煮到過哂龍，淋到只要用筷子一挾就斷左原本想叫小食啦，