R&B (已結業)

之前試過樓下ge Applegreen的時候, 已經留意到呢間餐廳，餐廳的環境同佈置都幾有風格。食物質素都唔差。第一樣要講ge 係 carbonara pie, 呢個真係超抵食，而且好好味，醬汁非常creamy, 但建議3至4人食就剛剛好，否則都會幾飽肚，幾膩，試唔到其他菜式。第二樣係 cheesy corn fries, 呢個係一盆幼身薯條，加上一d 粟米蓉，但最出色ge 係面頭酸忌廉。呢個fries 都算好食，但略為普通。最後一樣係一set burger 名為 billionaire , 個burger ge 肉排非常juicy,加上未熟透ge 蛋黃汁，味道香濃；加上有三款肉類夾在一起，最底層加左一d 菌類，口感非常豐富。伴隨burger ge係加了一些黑松露同芝士碎ge 薯條，一上枱時已聞到黑松露ge香味。