平昌

營業中

休息中

今日嚟到旺角，諗起好耐冇食過韓燒，上網睇到平昌韓燒好多人都讚，咁就同男朋友上去試吓啦，佢係位於兆萬嘅，一上到去一開門真係嘩一聲，人流多到嚇死人，證明呢間餐廳肯定好好食啦，咁佢係分咗三個set嘅，唔同set可以order唔同嘅食物，咁我哋就照左最基本嗰一個啦，一坐低佢就會俾少少小食例如泡菜青瓜嗰啲，之後仲會到蛋醬落鐵板度，咁食得燒肉第一時間梗係叫啲豬同牛啦，佢嘅肉醃得好入味而且唔會切得太薄，所以真係好好食，而且佢好好地會無時無刻留意你嘅鐵板有冇燒燶，有嘅話佢哋好快就會幫你換，印象最深刻嘅一定係佢嘅L A燒肉，因為有少少脂肪但唔會過分，所以食落嘅時候好香口，而且我認為平昌最特別嘅係佢嘅員工有一部份係真係韓國人嚟嘅，令到依一間韓式燒肉店更加油韓式嘅風格。