心鉄板燒 (已結業)

其實係我嘅世界入面，鐵板燒係比較少食嘅，不過今次終於約到朋友來呢間日式鐵板燒餐廳，我想食好耐架啦，多謝D小姐陪我來。呢度嘅餐牌食物選擇唔多，主要係食套餐，今晚我就同朋友叫咗個二人套餐，因為裏面有齊晒自己鍾意食嘅嘢，叫套餐就最方便呀。這裏的鐵板燒特選二人套餐包括有刺身沙律、龍蝦湯、意大利多士、香草牛油焗銀鱈魚、慢煮南非鮑魚配棟子海苔泡泡、頂級牛肉三味（牛柳、牛肩甲、牛舌）、季節野菜、小女子炒飯及是日雪糕伴叮噹銅鑼燒。刺身沙律的刺身是北海道帶子及吞拿魚，沙律味道非常新鮮爽脆，清新可口，非常開胃。龍蝦湯嘅龍蝦味道非常突出，睇住師傅嘅製作過程，感覺特別好味特別期待。意大利多士啱啱烘起，多士超級香脆，上面嘅香草蕃茄餡料亦都清新美味。香草牛油焗銀鱈魚銀鱈魚肉質結實油潤，牛油味非常香濃，啱啱焗起熱辣辣超級吸引，而且醬汁調味啱啱好，值得推介。慢煮南非鮑魚配柚子海苔泡泡鮑魚味道新鮮，質感柔腍，柚子海苔泡泡有着淡淡的海苔味，估唔到原來同鮑魚咁夾。頂級牛肉三味呢度用上頂級牛肉，最鍾意最鍾意牛肩胛，一咬落去，啲肉汁咇晒出嚟，而且生熟度啱啱好，咬落軟腍多汁，牛味香濃！之後就係季節野菜、小女子炒飯同埋甜品，為今日