ROJO

營業中

休息中

Lunchtime黎天后覓食，真係比我掘到寶!大推呢間ROJO，主打亞洲元素fusion tapas，仲撞正十週年慶優惠，性價比爆晒登!一坐低即刻order份SET LUNCH(認真勁肚餓)好快就有熱辣辣既湯同餐前tapas，食落好開胃。主菜香煎Barramundi，份量驚人 (香港地真良心食店)。魚肉煎到外脆帶少少焦香，入面嫩到呢，保留晒魚既肉汁，每啖都好鮮甜。底下有泰國蘆筍，清新爽脆。好欣賞ROJO廚師既烹飪熱誠，將食材海鮮同西式料理嘅精緻融合得啱啱好，清爽健康。最後嘆返杯即磨意大利烘焙咖啡，香氣醇厚，微焦嘅尾調將飽足感中和得好舒服。對比而家普遍七八十蚊嘅茶餐廳，凍飲要加錢，紙巾都要開口要，服務更加唔敢要求周到。 ROJO呢餐有fusion巧思，新鮮嘅食材，貼心服務，計埋個十週年優惠，係茶餐廳budget，享用遠超預期既高質西餐。