潮薈館

營業中

休息中

啟德有地鐵🚇後，自然會多左黎呢區搵野食，交通方便香港真係好好，今次搵左間潮州菜-潮薈館。入到餐廳，彷如進入古城，收銀檯正面係珠心算，墻身都係古城景墻紙畫。蠔仔砂鍋粥(例)一端上檯，聞到蠔香,蠔仔粒粒份量多，來一口粥湯底，鮮味十足,米飯的份量也剛好。芋蓉香酥鴨香噴噴，外層蘇脆可口，芋蓉粉綿，個人甚愛。沙茶牛肉河沙茶汁液量適中，牛肉嫩滑，河粉香滑。啫啫唐生菜煲有鑊氣,熱烘烘，菜鮮味香。潮州芋泥和清心丸綠豆爽滿足的一餐唔少得甜品，甜品選了潮州芋泥和清心丸綠豆爽,芋泥質感濃香,而綠豆爽清甜滑溜。整體而言，環境靚麗，有古城典雅感，食物滋味，值得舌尖再遊！