味道樂居酒屋 (河內道) (已結業)

平時返工都會經過呢間日式餐廳，目光都會比佢既裝修吸引，好有日本沖繩舊士多既味道，想黎試好耐！裝修幾靚，有彷如去咗日本居酒屋既錯覺！記得要Book位，Walkin要等比較耐！食物種類頗多！除左有一般日式小食刺身等，仲有行高價路線既精緻料理同和牛！而我地今次就點左牛舌，火灸三文魚壽司，幸福滿滿海膽丼，原條鰻魚飯，泡菜芝士雞同白桃梳打。超級推薦鐵板牛舌！整得好好味，超級厚切，外脆內軟，油脂好充足，食落唔會靭，再有炸蒜同鹽調味，簡單又好味，下次再Encore！火灸三文魚壽司入口融化，食得出用料好新鮮！男友係海膽控，佢強烈推薦幸福滿滿海膽丼，個飯除咗海膽仲配左魚子同吞拿魚，海膽超級新鮮，果然同菜名一樣有幸福既感覺，其他配料用來撈飯真係好好味。原條鰻魚飯份量十足，睇相好似一舊大架鰻魚壽司，條魚好似無骨咁，可以大啖大啖咁食。泡菜芝士雞呢仲韓式菜，都幾好味，雞肉好入味，泡菜辣汁仲可以用黎撈飯！