影片
更多
2021-09-20
4528 瀏覽
我係第一次寫食評，真心想大家睇完再決定食唔食原本諗住訂觀塘放題，結果冇曬位就改去荃灣食，一開始係諗住冇鐵板燒個間漁屋，但冇曬位唯有揀呢間，本來都有期待下去到發現餐廳好細，本來已經唔多位又搞開放式廚房望落有7-8個廚師整嘢食，諗住上菜會好快，結果我哋一共落咗四次單（唔計雪糕），每次都要等勁耐.隔離枱遲嚟過我哋，我哋叫咗有15分左右佢哋先落單，但竟然係上佢哋枱先？？？？你話同時上都冇咁嬲，佢哋上完我哋仲要等😡既然要同時上菜唔係預計好每枱分量？每一轉我哋都差唔多等咗20-30分鐘先上菜🥱🥱刺身我哋叫咗甜蝦、大赤蝦、帶子、三文魚、北寄貝，全部唔新鮮，蝦仲有怪味，得帶子稍為叫好食¯\_( ͠° ͟ʖ °͠ )_/¯熟食方面，等待時間上面講咗，賣相一般，牛肉落太多調味好咸炸物類：理解到可能即叫即炸/翻炸，但都係等好耐，而且天婦羅外衣完全唔脆，蕃薯上面又撒咗勁多鹽，咸到不得了！野食同飲品選擇好多，水果茶係唯一會再order，炒飯炒烏冬上一大碟，我哋得兩個人上咗4人分量🙂可能因為我哋係最後一輪，正常半個鐘前就會停止order俾雪糕紙，我哋諗住快快食完就走，就提前問佢哋拎咗，選擇都好多，但好多都冇哂，得番焦糖
原本諗住訂觀塘放題，結果冇曬位就改去荃灣食，一開始係諗住冇鐵板燒個間漁屋，但冇曬位
唯有揀呢間，本來都有期待下
去到發現餐廳好細，本來已經唔多位又搞開放式廚房
望落有7-8個廚師整嘢食，諗住上菜會好快，結果我哋一共落咗四次單（唔計雪糕），每次都要等勁耐.隔離枱遲嚟過我哋，我哋叫咗有15分左右佢哋先落單，但竟然係上佢哋枱先？？？？你話同時上都冇咁嬲，佢哋上完我哋仲要等😡既然要同時上菜唔係預計好每枱分量？每一轉我哋都差唔多等咗20-30分鐘先上菜🥱🥱
刺身我哋叫咗甜蝦、大赤蝦、帶子、三文魚、北寄貝，全部唔新鮮，蝦仲有怪味，得帶子稍為叫好食¯\_( ͠° ͟ʖ °͠ )_/¯
熟食方面，等待時間上面講咗，賣相一般，牛肉落太多調味好咸
炸物類：理解到可能即叫即炸/翻炸，但都係等好耐，而且天婦羅外衣完全唔脆，蕃薯上面又撒咗勁多鹽，咸到不得了！
野食同飲品選擇好多，水果茶係唯一會再order，炒飯炒烏冬上一大碟，我哋得兩個人上咗4人分量🙂
可能因為我哋係最後一輪，正常半個鐘前就會停止order俾雪糕紙，我哋諗住快快食完就走，就提前問佢哋拎咗，選擇都好多，但好多都冇哂，得番焦糖味雪條（Haagen dazs），紅豆同Movenpick朱古力/草莓味，由雪櫃拎出嚟嘅嘢都要等25分鐘🥱，唔知係咪專登等大家都遞紙先一次送，定係懶得走幾轉,正常係9：20要交枱，佢15分先送雪糕嚟，我哋提早拎紙到底有咩意義？
員工好多時間都係hea緊，特別係負責整嘢食嘅，好多次望過去佢哋都係停手傾緊偈😶收碟次數少之可憐，明明都好多時間無所事事，見到客人食完都唔收碟，係要堆滿先肯收，飲品仲有半杯反而收咗喎🤣
呢間嘢作為日式餐廳可以接受，但放題真係取消吧！700幾蚊兩個人，大多數時間都係等待度過.
低過呢個價錢嘅放題好多都好過佢，野食差，服務差，唔知點解仲可以收咁貴，冇一樣嘢可以作為賣點
我食過好多間放題，呢間係唯一一間唔會再想去食，完全係伏
刺身
153 瀏覽
1 讚好
0 留言
張貼
