鐵板漁屋日本料理 (如心廣場二期) (已結業)

一行3人14/12去食飯，已經幫襯佢地好多年，但果日真係食到唔開心☹️1. 坐低即落單，第一盤刺身等30分鐘，第二盤等左45分鐘，等得黎都夠鐘，但係個過程中，個刺身師傅係有停係到無野做，連隔離枱都話個刺身師傅企係到等，但係刺身就唔到。除左刺身，好多野都漏單，3個人叫3雙芝麻雞翼唔過份呀，第一張單時落單，過左last order先黎1隻。想飲杯紅茶都要等一個鐘😩壽司就叫1件嚟幾件，你無叫都上枱。2. 鐵板漁屋比漁屋放題貴$30，因為多幾款野食，因為想選擇多啲所以都無所謂，點知果晚多既幾款野食有超過一半係無得點既，咁可能果日太晏都算啦，但係另一半有得點嘅，叫完都無出現過，得1,2款有食到一次，😫點解有臉收多$303. 食食下有一個高大黑衫女侍應幫另一枱收野，但係就跣手成盤野跌左落地，而果盤野既液體（事後估計似黑糖漿）就彈哂上我哋張枱到，我哋3個人比佢兜頭淋，面、頭髮、衫褲鞋、外套、袋都有漬，枱上嘅野食野飲都中哂，連分隔2枱中間嘅膠板都污糟哂，其實我地都知好少事，但無啦啦咁比污糟野淋當下就激動少少，不過盤野彈既方向我哋枱係最中嘅一枱，而我地係真係污糟哂，咁我哋當然係嚇一嚇然後話：「有無搞錯呀，我地污糟哂喇」，我哋只係1個人講左1次，但係果個女侍應無道歉仲炆炆地咁同我哋講「我已經幫你哋擋左大半嫁喇」，仲講咗幾次，當下聽到我哋當然不炆答返佢「所以我哋抵死比你整污糟？」她才收聲行開，另一名灰衫侍應就代佢講「唔好意思」。之後黑衫女侍應拎左幾張抹手紙黎（2,3張左右），但都強調同我哋講佢已經幫我哋擋左大半🙄心諗：咁我哋使唔使感謝你啊，當日我哋淺色衫白色鞋全部污糟哂，因為係糖漿，所以頭髮、身、面都搞到黐立立😐我都係想食餐飯遮🫠枱上既食物飲品都俾糖水飛哂落去都唔敢食，抹返個人抹到過左last order都無人提，無得叫過杯野飲，枱上嘅又唔敢食唔敢飲，無野飲無野唯有早d走，返去沖涼洗衫洗鞋洗袋🫠其實成件事搞到好嘈，好多人望住，但除左灰衫有講唔好意思，經理都無出現過，仲特登走左入去，一向漁屋態度都好過鐵板果間，每次想要多少少選擇都要受氣，今次仲食到污糟邋遢😥下次都係去漁屋好過…查看更多

話說女朋友一路話想試呢間放題，咁啱同女朋友週年紀念，女朋友遲收工，我哋晚上9點左右入座，諗住試下佢啦，入去嘅時候明明張單寫到明2300交枱，佢十點唔夠個鐵板已經洗好，係我隔離又掃地又收枱，沙塵滾滾，我未食完嫁。。。我問佢哋個鐵板係唔係收，佢問返我差啲咩，我話差個鐵板三文魚炒飯，然後佢拎個鑊出嚟炒俾我食，大佬我Order嘅係鐵板炒飯，仲要唔知係咪我阻住個廚師收工，個飯又咸又燶又難食十點三左右一個二個員工孭好晒袋望住我哋，好似我哋阻住你哋收工咁，咁你唔好放我哋入嚟食吖嘛！仲要問我女朋友，兩位仲有冇嘢要？我個兩條雪條明明係叫起，你地就直接掉低兩條雪條，一句嘢都唔講，俾晒面色我睇咁，我有俾錢嫁！埋單兩個人七百幾，雖然唔係話好貴，但係都唔算平唔算特價嘢啊，咁差嘅用餐體驗我真係第一次，感覺仲差過啲百幾蚊嘅任食火鍋。…查看更多

先利申，如果不是姓Steven名Leung的YouTuber高調介紹以及特殊折扣，很難會考慮到荃灣西的這間鐵板漁屋，畢竟都是香港友，但由於折扣實在吸引，只好招聘一堆散兵遊勇去查證那句挑撥我心弦的語句「雪場蟹腳任食」說真的，就環境而言，店內真的相當擠迫，卡位也頂多4-6人，走廊真是除了一開始入座和離場時，其他時間不用起來了，如果不是QR code下單，真是沒可能去拿東西吃，因為店員會推車收碟，車的闊度就是走廊闊度，走是不可能的:(關於服務態度，也是最多負面食評的投訴點🫠就這次餐飲體驗，主要有幾點不滿之處1. 不主動收碟；客人要主動把吃完的碟子集中堆砌放好，揮手才有人來收，令本身狹窄的枱面更沒空間🥺2.漏單；其實賤一點來說，我是沖著蟹腳去幫襯，但前後下單了超過45隻蟹腳（後期直接放棄），最終來的腳絕不多於15件（已經包埋蟹身）所以稱的上腳的10隻不夠😡失望。但除此之外真的沒遇上什麼問題好吧，最後說就食物品質，有好有壞:)魚類刺身：除了三文魚外都相當一般，乾身，肉質偏硬，雪味較重😩有d仲勁多筋咬唔斷😠蝦類刺身：巨型海蝦超鮮甜，爽滑仲要去埋腸，比魚類刺身好上十倍，仲有那份泰式蝦刺身十分推薦，加埋醬汁真係冇得輸貝類刺身：不過不失，沒什麼海水味但食得出新鮮既，食螺唔比牙籤，有點麻煩各式壽司：不過不失，比連鎖日式店好清酒烹蜆：第一次食d清酒蜆係滑捋捋有d層好似黏液係面，怕怕放棄各式鐵板燒：真係完全即點即燒，上枱出晒煙熱辣辣，當中特別推薦燒牛脷同開邊蝦，牛脷出住煙仲要厚度適中軟霖多汁，真係震撼，未食過放題有咁正既牛脷：再者個開邊蝦一樣入味彈牙，食左起碼10隻相反個燒大蝦就差d,肉削削地😞燒扇貝就正常味度。簿燒牛肉就入口即化，抵讚，但又未去到食唔停。除此之外仲有印象既食物就；串串燒羊肉串：羊味淡而不「So」一夜乾池魚干：好入味，剪好又易咬開，超好食麵豉湯：好咸仲要我未試過d紫菜可以咬唔爛，怕爆榴連丸子/雪米滋：都幾好食，不過你問係味真榴連就答你唔到啦（笑各式飲品：真係紅橙黃綠青藍紫黑白咩色既飲品都有，仲要有酒吧d高腳，短身杯黎裝，味道後話但打卡一流，加埋清酒梅酒任飲，一個字（絕）最後我又要講d蟹腳,姑勿論order 40比10，單論食味，同自助餐差不多但大小差起碼一倍，剪開無法整條取出，靠筷子刮一「住」出黎先有得入口，再者來貨夾雜蟹身，講真8份1格蟹身有咩肉食，手指尾甲都大塊果佢，相當失望總結相當抵食既放題，但前提係用左網紅七折優惠食物種類多如天上繁星，但第一輪同第二輪黎既品質不穩定，加埋有時會出現奇葩時刻，例如人齊上菜都竟然冇主動比支醬油黎，得wasabi；食炸物發現冇沙律醬，原來要落單另外叫🙄上蟹唔比鉸剪等等😏所以比80分，如果唔係咁鬼遠可能會再黎，就同史提芬梁先生所言，有進步空間🥴…查看更多

琴日星期日同fd兩個人去食，中午walkin無位，5點早了10分鐘排就入到。話係某網路紅人觀眾入座有優惠價格同送了大頭海蝦。食物種類多，每款食物size較小可以試到多d種類食物，飲品同甜品種類亦好多，但係，1.上菜慢，坐低即落單，第一轉落的魚生20分鐘才到，呢個時候個場只坐了一半多d的客，第二轉落的部分食物到臨走時才到2.張枱真。係。好。細，要就住落單驚佢d野一次過來無位擺，去大瀛喜食時並無呢個煩惱3.無裝骨/垃圾容器，食完收碟慢，食左個半鐘時已完全無人收碟，任由我地d空碟堆疊到成張枱都係4.天婦羅唔比汁5.一開始知道雪蟹去殼有期待，平時去殼麻煩又哂時間，但結果就未曾見到好似網路紅人片中咁肥美的蟹肉6.圖片只供參考，軟殼蟹得腳，但落單名稱同圖片就無提，水信玄餅完全係另一樣野7.某女侍應員工態度幾差，令人感覺係茶記侍應，一定只係咁啱琴日心情差比起其他放題食物飲品種類係多，但個體驗就差d，食放題都係想食得爽，但係呢度食完心情幾複雜…查看更多

之前朋友介紹認識的，諗住近近地試下😇😇😇😇於是平日去試下。去到笑左大約5分鐘就有位，可能平日早就少人啲。入到去吾算好大地方，但都乾淨。去到落單，食物黎到後，絕對滿意，性價比都算高，刺身好食🤣🤣🤣🤣🤣而且燒物都吾錯，好多野都岩小朋友大人食😋😋😋😋，飲品種類都十分之多，重點係落單之後啲食物好快就到，就算miss左，好快會上翻俾我哋👍🏻👍🏻👍🏻，總括黎講，值得我會再去…查看更多

打電話預約定位，員工態度囂張，仲出言講粗口，cut電話，客人未曾入去消費已經咁嘅態度，令人懷疑入去進餐會否變本加厲令人不安，一個服務質素都冇的餐廳，唔會食得舒服。…查看更多

同事介紹去食咗一次當天就做咗會員，我鍾意佢午餐好多選擇同埋我鍾意食多款每樣少少咁樣，基本上講得出嘅組合佢都有想食刺身又得壽司又會陪拉麵，同埋佢仲可以揀cappuccino,唔一定要飲檸茶檸水嗰啲，仲有一個迷你香蕉船添。第一次食咗個商務套餐，好多款超飽，佢個鐵板燒牛肉好味，價錢好合理商務套餐188。如果做會員嘅話即係差不多唔使+1，整體我覺得都幾好呀睇返之前原來有好多負評，不過我已經去咗兩次都覺得唔錯，今日諗住去第三次，我估應該已經洗底，大家可以放心…查看更多

同事帶食呢間平時喺隔離門口出入都完全唔覺眼有佢🤣夜晚食放題，晏晝有set lunch好多選擇，諗左好耐食壽司好，丼飯好定壽喜鍋好😂最後都係揀左牛肉壽喜鍋上菜啦，成個tray放滿食物🤣味噌湯，沙律，米飯，一大鍋物，仲有杯乳酪，再要有餐飲，未食齋睇都覺得滿足😁😁壽喜鍋湯底相比平時食開其他嚟講唔算濃但都唔錯碗飯非常非常淋🫥🫥🫥好似糊仔咁 搞唔掂牛嘅份量正常 唔算少，其餘配料都好足反正好夠食，所以好彩碗飯冇乜點食都夠飽😂😂見放題食評幾好，有機會都試下😀…查看更多

以前食放題一定會諗住出旺角今次想同大家分享荃灣其實都有好放題呢間漁屋貴荃新天地果間漁屋幾十蚊不過會有埋鐵板食 推介保證飽到你捧住個肚走值得一提 呢到生日會全餐廳熄燈同你慶祝鍾意有儀式感既朋友可以考慮話明放題當然要嗌刺身先刺身都新鮮 解凍情況正常唔會話過冰，蟹腳都啖啖肉值得一提，要嗌新鮮山葵 口感真係唔同啲泰色鮮蝦刺身 醉雞卷 都好食 真係有啲酒味前面係蜜瓜 不過我覺得可以唔使加麻醬都好食後面果個蝦沙律 啲蝦都彈牙不過都係一樣覺得唔使加香蕉🍌呢家唔係間間放題都有芝士年糕私心表示 真係好好食後面係鐵仔牛仔骨比起牛仔骨 我覺得蒜片牛柳更吸引可以encore 焗扇貝同牛肉薄燒都值得encore ah睇得到落左好多蟹籽 係足料既碗仔翅好似剩係掛住食熱食其實都有嗌下啲壽司海膽拖羅蓉壽司食左咁多野當然唔燒得燒菠蘿啦另外燒蝦都好值得Encore唔會話開邊燒而變得好乾 好味飲杯類 酒，特飲 茶咩都有藍杯果杯係波子汽水味道最正既係仲有黑牛同金牛飲係童年回憶呀最後當然唔少得甜品啦哈根大師同Movenpick就係每位送一款唔特別影相啦但自家製既甜品都有好多選擇香蕉船細心一提，大家唔使一開始就瘋狂叫野食，枱面位置有限，呢到上菜都好快，真係可以食完一啲再嗌 咁就會食得好舒服:)…查看更多

家人話政府派錢要請一家人食放題、有人食過好食，咁一定不會仲伏先🤓我們人多分兩張六人卡位，枱面空間食放題來講枱面都幾迫下、但已比兩人位果啲好了，所以著重空間的話可能不適合了～👱🏻‍♀️🥩🫕🍱食物方面：刺身類：身鮮不錯以放題來講，大蝦刺身新鮮度算比好多平貨餐廳新鮮壽司🍣：正常size 無整細比你 唔想食咁多飯咁飽、又唔想叫左唔食既話壽司就唔叫咁多啦，但味道好味的 係即刻手握壽司熱食類🍜🥘：款式好多 好大部分都好味～個碗仔翅都幾大碗 當然唔會係真魚翅！😂 味道都可以試吓最好嗌一碗兩三個人試吓味道就算 鐘意再叫 留肚食其他！ ～特別鍾意食嗰個海鮮粥 幾有蝦蟹味 碗裡也有蝦蟹、味道挺好、老人和小孩的好選擇🤓～佢有三款牛都好好味～壽喜燒入邊啲料都好食👍🏻牛肉好好 無煮到熟曬先攞出來 出到來湯熱 牛很鮮嫩！～炸物好食 都很鮮炸爽脆 不會上到枱油油淋淋選擇也很多款 炸蠔雖然蠔很細隻 但也是熱乎乎新鮮炸出來 味道和口感都挺不錯👍🏻～很多款飲品任飲 冷熱都多選擇 叫了凍水果茶好飲👍🏻 看到很多種類 （其他放題餐廳最多是不出名的紙包和罐裝飲品）但話間好多款即沖特色飲品 👍🏻👍🏻～酒飲飲红酒🍷、清酒🍶梅酒等等～雞泡魚乾、鱈魚乾幾好食 送下酒 正👍🏻～雪糕都是最受歡迎果兩個牌子選擇幾個味～菜類都是多人食既款 ～仲有羊架 但會切到好細件 心唔係圖片咁好多款小食、每樣小小份量、很個適～難得服務態度挺好👍🏻👍🏻👍🏻👍🏻有求必應 不會因為任食而態度差、 禮貌好感覺良好，更不會叫了好久要不停摧才有野食到，尾聲時我們叫食物不要再來已夠 只要紅酒和雪糕 很快就拿來幾杯更大杯紅酒給你慢慢飲 不會因近尾聲而不理會你～…查看更多

我和朋友去了荃灣如心廣場二期漁屋日本料理用餐，整體體驗非常愉快。餐廳環境寬敞舒適，裝潢簡潔明亮，擺放整齊乾淨，讓人感到非常舒服。菜品方面，鮮蝦刺身非常新鮮，口感十分鮮美，非常值得一試。芝麻醬蟹柳撈烏冬是我個人最愛，蟹柳香脆可口，烏冬麵條彈牙，加上芝麻醬的搭配，味道非常美妙，讓人回味無窮。炸雞翼外皮香脆，內裡肉汁鮮美，十分可口。壽司是切得非常整齊，份量也非常足夠，飯和魚的比例剛好，入口鮮美。最後，吉列豬扒烏冬也十分美味，豬扒煎得恰到好處，不會太硬或太軟，與烏冬的搭配也很合適。總體來說，荃灣如心廣場二期漁屋日本料理的食物質量和味道都很出色，環境也十分舒適。如果您想品嚐正宗的日本料理，這裡是不二之選…查看更多

早幾日同屋企人食飯就睇OpenRice介紹簡咗呢間餐廳唔知係咪疫情關係關於呢間餐廳嘅評語並不多而且好壞參半但由於屋企人真係好想食放題所以膽粗粗抱住試一試嘅心態book啦當日去到嘅時候都未算多人鋪頭唔算大食物嚟講都一流刺身鮮甜十分推介赤蝦同劍魚腩叫咗好多次🤪🤪呀嘛漏單情況唔嚴重但唯獨當天沒有供應的食材唔會預先通知我哋點咗好多次軟殼蟹同埋蒲燒鰻魚都冇嚟所以我哋先推論出當天應該沒有供應其他熱食都好出色尤其開邊燒蝦鮮甜到不得了又係點咗好多次而且即叫即做所以都好新鮮熱辣甜品雪糕類是每位客人一杯鋪頭都好窩心知道放題都應該會食到飽飽再食品落雪糕竟然有得選擇外帶店員仲會提醒我哋記得點甜品雪糕結果我哋當日帶走咗6杯m字頭雪糕🥰…查看更多

早排聖誕假，心思思又想食日本野，但係始終都係想一個餐入面食都唔同類型嘅日本嘢，然後就揀咗日式放題。鐵板漁屋日本料理 (如心廣場) (荃灣)荃灣大河道98號如心廣場二期地下G01號舖味道: ⭐️⭐️⭐️⭐️價錢: 💰💰💰💰💰抵食指數: ⭐️⭐️⭐️晚市放題 $348 🍣晚市放題嘅選擇非常之多，餐廳採用iPad📱落單，所有食品及飲品都須透過iPad落單，所以餐廳就無設置自助飲品區，我哋就唔需要行出行入，非常方便我哋呢啲懶鬼唔使行出行入😋壽司方面，佢竟然有我最愛嘅火燒左口魚壽司，而且仲要整得非常好食❤️👍🏻，左口魚入口即溶，而且調味適當，所以係非常推介。其他壽司包括花之戀，三文魚，吞拿魚等等登登都係正常嘅發揮☺️刺身方面，每一塊嘅刺身切身都偏細同薄，味道方面就正常發揮，但係若果想每一啖都充滿口感，呢度可能就滿足唔到你。🥲 但係蝦刺身有驚喜，比一般日式餐廳嘅蝦刺身鮮甜👍🏻👍🏻熟食方面，個人中意食牛舌，所以第一樣就必叫。呢間餐廳就無令我失望❤️ 牛舌係厚牛舌，而且煮得非常之淋又夠味！ 但相反雞翼🍗🐓就完全唔好食！😔雞肉老，又硬又凍，可以留返quota食其他😃可惜嘅係上菜同上飲品速度都比較慢，所以要少少耐性…🙈…查看更多

講到我最鍾意做既運動⋯⋯就一定係口部運動！🤭即係⋯食野可以操到咀嚼肌要短時間操「肌」揀放題就係最好不過😏食物方面選擇多 款式有啲幾特別 職員服務友善殷勤🙂不過都係有個放題通病～漏單一係唔吹 一吹就「並拎辦啦」黎勻晒總體炸物出色 香脆無比 🤩包括天婦羅啦 流心香芋波波 炸生蠔炸紅豆雙皮奶 西米流心球都好特別又好食刺身新鮮 無雪味 同埋有返咁上下厚度當中三文魚 吞拿魚 赤貝 帶子 赤蝦都係必須Encore幾次🤤😆熟食既品質都唔差 有我愛既薄燒牛肉牛仔骨 燒扇貝 牛舌 西京燒等仲有朋友超愛既蟹皇碗仔翅飲品有幾款都無係出面見過迷人pinklady 黑牛金牛等至於對我黎講最驚喜係有韓國乳酪雪糕雖然飽到賴屎 但都堅持食晒成杯好易一試就愛上 我就係咁🥹座位既容納度比一般放題少少許逼 實在好易撞來撞去最特別係開放式鐵板燒位呀廚師無啦啦表演 炒到著晒火🔥大家都嚇親🤣我就選擇拿拿臨影相先呢到仲有得入會😳我唔記得幾錢 但如果係大胃王或者好鍾意食野💸做會員都無妨呀…查看更多

食物十分新鮮！好味道！會再幫襯！交通也便利。買了VIP會員，超級值！知己良朋，一起共聚，是慶祝生日一個不錯的選擇！在這疫情期間，大家一齊有說有笑，又有美食，人生何求呢！希望疫情快點過去，重見香港的光輝！…查看更多