百味堂 (已結業)

由於上次喺四州cremia試個個雪糕實在太出人意表地好食，重點係又唔貴，所以我對雪糕嘅要求又再增加咗。早有耳聞百味堂喺韓國好出名，而我自己都喺韓國食過好香濃嘅雪糕，所以我expect百味堂都會係有一定嘅水準，但係唔得喎！佢好想做到自己好香奶味，但係奶味好薄弱，口感好稀，先係非常重嘅冰感，一放落口就溶返開變水，然後好薄弱嘅奶味先係咁意滲出來。佢嘅奶味亦都唔係牛奶嘅口味，似乎係奶粉嘅香精味，雖然奶粉味都尚算討好，但就有啲取巧囉。不過個cone就唔討好喇！係個種索乾晒口水又中空，唔脆口嘅威化，差唔多五十蚊食咁嘅質素，似乎有啲唔抵食喇！整體來講個雪糕係唔難食嘅，但成個package來睇就扣晒分。不過我嘅言論係確實有少少唔公平，因為不久之前食完四州真係有比較，人地四州雪糕本身又好食，連個cone都係落重皮嘅，日本產物果然係有保障。作為一個喜歡韓國嘅人，今次我都唔幫來自韓國嘅百味堂喇！