東海薈 (HomeSquare)

營業中

休息中

今日入到沙田中央廣場逛逛大型傢俬店， 位於地下嗰層嘅《東海薈》中菜好抵食。網購美食二人餐，份量好足，款式豐富， 先來兩個前菜，百味豆腐~新鮮熱辣辣炸起，粒粒香脆可口；酸拍青瓜~青瓜爽脆，味道酸咪咪好醒胃；海姥汁龍蝦(每位半隻)~淋上香濃蝦汁嘅波士頓龍蝦，雙重味覺享受，龍蝦肉入口彈牙；虎乳菌翡翠炒帶子~大大粒厚肉帶子，鮮甜，虎乳菌唔係周圍食到，一朵朵好靚嘅傘子，仲有木耳，蒜蓉炒香特別美味；清蒸游水海星斑~賣相已經好吸引，蒸嘅火候啱啱好，星斑肉質鮮嫩，香滑非常；脆皮炸子雞(半隻)~炸子雞皮薄肉嫩，肉質香滑，食完一件接一件，正！羊肚菌杞子浸菜苗~羊肚菌是一種珍貴的菌類，呢個湯底好香甜，忍唔住飲咗幾湯羹，今晚嘅白菜仔好鮮嫩；原個蛋黃壽桃包~打開個蒸籠時確實不得了，個包仲大過一隻碗，搣開個包，內裏軟滑的白蓮蓉包住整個鹹蛋黃，流曬油，食飯都要食佢；精美甜品~紅豆沙起曬沙，加入陳皮，又香又甜又好吃。餐廳店員友善招待，令人有賓至如歸嘅感覺。