螢火

🔸前菜～ 《青瓜八爪魚》，估唔到食落青瓜味咁出，而八爪魚質感爽脆帶鮮味，整體味道清新，令人開胃。🔹刺身五品～ 《深海池魚，燒銀雪魚，拖羅，象拔蚌，馬糞海膽》。樣樣新鮮，刺身厚切且肉質有光澤，海膽色澤金黃，飽滿又香甜。🔸煮物～ 《汁煮磯燒鮑魚》，超級大隻鮑魚，雖然只係品嚐一小部份，但大鮑魚口感就是不一樣，肉質厚實彈牙，本身鮮味十足加上汁煮及冷食，令鮑魚更倍感鮮甜。🔹燒物～ 《燒明太子釀雞翼》，食完凍嘅鮑魚，再食熱辣辣嘅燒物，特別有衝擊。雞皮香脆，雞肉多汁嫩滑，加上辛明太子，無骨啖啖肉。🔸壽司五品 ～ 《左口魚加左口魚裙邊，金鯛魚，深海赤鯥，帶子，北寄貝》，有溫度嘅壽司飯，加上新鮮魚肉，每件壽司都係精品。特別喜歡帶子及北寄貝，用上柚子皮點綴，淡淡柚子香好match。🔹手卷～ 《拖羅蓉海膽三文魚子》，爆多料，三種材料樣樣都能獨當一面，但融合一起更係提鮮另一層次，美味滿足感倍增。🔸吸物～《魚湯烏東》，奶白色香濃魚湯，加上香滑豆腐及烏冬，暖胃又滋潤。🔹甜品～ 《豆乳雪糕》，淡淡豆乳非常清香。食物無論色·香·味都俱全，仲有推廣優惠二人同行一人免費，晚夜二人同行只需$1380，另加一服務費。而且仲包