燚 (已結業)

近排天氣好好入大埔行下，無意中上網發現隱世美食，今日同阿女來一餐鐵板燒廚師發板。煙三文魚沙律~法國生蠔(半打)~好大隻，蠔肉滑捋捋，勁正！法式鵝肝凍~凍食的鵝肝，放上菠蘿味道嘅醬，下面有沖繩嘅菠蘿，口味清新。鐵板海鮮兩品，每人選二款，黑松露牛油元貝~ 黑松露味道同呢個元貝好夾；鮑魚~熟嘅程度剛剛好，入口夠爽夠彈牙；虎蝦~好新鮮，蝦肉爽口彈牙；東星斑~皮脆肉香，肉質嫩滑。澳洲牛柳~牛味夠濃，切開見到可愛粉紅色。日本宮崎豬~見到肉嘅紋理好清晰，一啲都唔韌，一咬即開，呢個豚肉好嫩滑，配合少少竹炭鹽，提升味道感覺。鐵板炒飯~鐵板炒飯最考師傅嘅功力，睇住師傅炒出嚟，炒到每一粒飯都紮紮跳，入口熱辣辣特別香口。啤酒~Sapporo & KiRIN 麒麟生啤。