影片
更多
2022-10-11
30 瀏覽
估唔到omakase嘅甜品都可以咁好食🧁所以今次一定要介紹下。呢個餐嘅甜品係“北海道雷電赤肉蜜瓜配最中餅”🍈🍘哈密瓜真係超甜，咬落去juicy充滿果汁，非常新鮮。最中餅脆脆地軟軟地，入面係開心果口味雪糕，真係有開心果碎，而且個雪糕質地係非常creamy幼滑，唔係死甜。真係令人一再回味。講返正題壽司同料理啦🤣牡丹蝦壽司🤞🏻係大推。首先牡丹蝦係夠大隻，晶瑩剔透；上面係牡丹蝦蝦頭的蝦膏，同埋炒香左的櫻花蝦乾。所以佢主體係蝦，配料都係蝦，可以話係蝦蝦蝦🦐壽司。成嚿食落去就會有主體牡丹蝦嘅鮮味、蝦膏同埋蝦乾嘅鹹香、壽司飯淡淡醋嘅微酸清香。鵝肝蘿蔔👐🏻係充滿驚喜。鵝肝質素不出所望，綿密、入口即化、香氣幽微。特別之處係佢下面用咗芼菁蘿蔔，係比較鬆軟嘅口感，而且會吸曬上面嘅肉汁，係幾好嘅做法。而鵝肝上面係紅酒藍莓汁同甜味辣椒絲，所以食落去會喺酒香之中帶有少少甜味。海膽壽司🤘🏻係可遇不可求。唔乾唔腥當然係基本。呢度嘅海膽新鮮得嚟亦甘甜味十足，仲要係北海道根室松浦水產嘅海膽，難得。自家製鯛魚湯👋🏻係有水準。一般鯛魚湯都係鮮甜為主。佢呢度唔止鮮甜咁簡單仲有少少creamy濃郁感覺。加上入面仲有一大嚿鯛魚可以
呢個餐嘅甜品係“北海道雷電赤肉蜜瓜配最中餅”🍈🍘
哈密瓜真係超甜，咬落去juicy充滿果汁，非常新鮮。最中餅脆脆地軟軟地，入面係開心果口味雪糕，真係有開心果碎，而且個雪糕質地係非常creamy幼滑，唔係死甜。真係令人一再回味。
講返正題壽司同料理啦🤣
牡丹蝦壽司🤞🏻係大推。首先牡丹蝦係夠大隻，晶瑩剔透；上面係牡丹蝦蝦頭的蝦膏，同埋炒香左的櫻花蝦乾。所以佢主體係蝦，配料都係蝦，可以話係蝦蝦蝦🦐壽司。成嚿食落去就會有主體牡丹蝦嘅鮮味、蝦膏同埋蝦乾嘅鹹香、壽司飯淡淡醋嘅微酸清香。
鵝肝蘿蔔👐🏻係充滿驚喜。鵝肝質素不出所望，綿密、入口即化、香氣幽微。特別之處係佢下面用咗芼菁蘿蔔，係比較鬆軟嘅口感，而且會吸曬上面嘅肉汁，係幾好嘅做法。而鵝肝上面係紅酒藍莓汁同甜味辣椒絲，所以食落去會喺酒香之中帶有少少甜味。
海膽壽司🤘🏻係可遇不可求。唔乾唔腥當然係基本。呢度嘅海膽新鮮得嚟亦甘甜味十足，仲要係北海道根室松浦水產嘅海膽，難得。
自家製鯛魚湯👋🏻係有水準。一般鯛魚湯都係鮮甜為主。佢呢度唔止鮮甜咁簡單仲有少少creamy濃郁感覺。加上入面仲有一大嚿鯛魚可以食到，啖啖肉仲保持新鮮。
張貼
