影片
更多
2017-08-28
293 瀏覽
其實我一直都係佐敦番工，但都無留意過有呢間拉麵店，咁岩琴日約左朋友食飯，係朋友既推介底下我地就去左呢間「熊拉麵」度食晚餐，我覺得整體黎講呢間係一間值得去試下既餐廳，所以推介一下比大家地理位置首先係位置黎講，雖然佐敦比較雜，食店多數以茶餐廳為主，但呢間拉麵店就好似係鶴立雞群咁，好有日本既傳統拉麵風味，真係值得一試架！而且「熊拉麵」好就近地鐵站，係佐敦C2出口行大約3分鐘就到，真係非常方便，就算好似琴日咁落大雨都好，都好快可以到達。環境及氣氛店舖既門口有幾張木櫈，上面仲鋪左軟綿綿既Cusion比要等待既客人坐，非常細心。除左木櫈，店既門面仲掛住左幾盞紅燈籠，增添唔少日本氣氛。入面既設計大多以木為主，座位主要係圍住廚房既高身櫈同埋大長方形枱圍住既櫈，唔算闊落，大概最多容納20人左右。我去既時候因為係夜晚，等都唔駛等就入得去，仲要有幾多位剩，我揀左個可以望到廚房既位，畢竟邊食邊睇住廚師煮野食先係最開心既～我覺得成間店既氣氛幾好，雖然座位少但客人既座位空間都算大，好似我比較高既人坐左個幾兩個鐘都覺得好舒服，加上可以睇住廚師一邊煮，仲香味撲鼻，即刻胃口大增，真係好似傳統既日本拉麵店啊！食物係食物方
地理位置
首先係位置黎講，雖然佐敦比較雜，食店多數以茶餐廳為主，但呢間拉麵店就好似係鶴立雞群咁，好有日本既傳統拉麵風味，真係值得一試架！而且「熊拉麵」好就近地鐵站，係佐敦C2出口行大約3分鐘就到，真係非常方便，就算好似琴日咁落大雨都好，都好快可以到達。
環境及氣氛
店舖既門口有幾張木櫈，上面仲鋪左軟綿綿既Cusion比要等待既客人坐，非常細心。除左木櫈，店既門面仲掛住左幾盞紅燈籠，增添唔少日本氣氛。入面既設計大多以木為主，座位主要係圍住廚房既高身櫈同埋大長方形枱圍住既櫈，唔算闊落，大概最多容納20人左右。我去既時候因為係夜晚，等都唔駛等就入得去，仲要有幾多位剩，我揀左個可以望到廚房既位，畢竟邊食邊睇住廚師煮野食先係最開心既～我覺得成間店既氣氛幾好，雖然座位少但客人既座位空間都算大，好似我比較高既人坐左個幾兩個鐘都覺得好舒服，加上可以睇住廚師一邊煮，仲香味撲鼻，即刻胃口大增，真係好似傳統既日本拉麵店啊！
食物
係食物方面，因為我都係第一次黎唔知揀咩好，加上我有選擇困難，所以決定揀呢間店既招牌熊拉麵，佢同好多拉麵店一樣都有張紙比我地圈啊圈，我就圈左麵身硬、幼麵、走青同埋火炙肥叉燒（順帶一提，我見到有得圈走油，好細心，岩哂健康人士）。等左大概十分鐘左右就黎左碗麵啦，因為我個人就鐘意食煙煙韌韌既野，所以我覺得麵身硬真係幾好食，唔會真係話好硬但岩岩好，個火炙肥叉燒好大舊，大概有半個碗咁大，而且好厚，我平時唔鐘意食肥肉但食落都覺得好香好易入口，一食落去肥既部分既油會係個口到滲出好濃既香味，唔錯！但係就得一塊，略嫌少左Ｄ，溏心蛋就正正常常，同出面拉麵店食到既差唔多，至於個湯底，好香好濃味，但我同朋友都覺得咸左少少，但整體黎講幾好既～另外，佢仲有Ｄ配菜係張枱度比客人任添，分別係咸菜同埋醃左既豆芽，用黎增添口感唔錯。
服務
「熊拉麵」基本上好似野要員工為你服務，所以相對地都唔收會服務費。但我覺得算幾好既，枱上面本身會有檸檬水比你任添，無哂既話員工會好自覺留意到然後去Fill番，而且相當有禮貌，無論你入店定係食完要走，佢地所有員工都會好有力氣咁講一句日文，唔似某Ｄ食店咁懶懶行咁講，抵讚！
招牌熊拉麵
$85
16 瀏覽
0 讚好
0 留言
配菜(任添)
9 瀏覽
0 讚好
0 留言
張貼
