花見月 (已結業)

今日相約喺科學園返工既朋友食lunch。朋友話科學園lunchtime搵食艱難，一放lunch幾乎每間餐廳都客滿，我地於是預早少少黎呢度等位。約12點，可能真係早左少少，我地唔使等位就有位啦。餐廳有落地玻璃，出面透射入黎，非常光猛，仲可以一邊食一邊欣賞科學園景。坐低後侍應遞上lunch menu. 午餐定食選擇不少，有魚生/刺身，飯麵食等。我揀左個吉列黑豚肉定食 $88。個presentation還不錯吧，和式的配搭。塊吉列豚肉真係偏細份，而且係薄身嘅，肉質偏'鞋'，幸好炸漿夠薄，亦炸得夠香脆，唔覺油膩。細細舊豚肉好快食完，幸好野菜沙律份量同塊豚肉一樣多，可以填飽我空空嘅肚皮。要負評嘅係碗飯，係軟爛嘅，呢樣真係接受唔到。