快樂餅店 (已搬遷)

這天純粹路過 眼見是小B仔下午茶時間 佢鐘意蛋撻 買個回家俾佢食 自己鐘意食菠蘿包
就買左二樣回家吃

雖然坐完程巴士 返到屋企都凍左 不過仍然驚喜 因為個曲奇餅皮嘅蛋撻 依然咁鬆 依然充滿牛油香氣

菠蘿包大個不在講 個皮好脆 個麵包好軟身

就係咁我同我個未夠二歲嘅B仔 有個好滿足嘅下午茶

上黎一望 後悔冇試佢嘅 熱狗 肉鬆包 同糯米滋 希望下次可以帶埋小朋友黎 食新鮮熱辣辣嘅 期待 期待！

真係又好味 價錢又相宜 一流嘅懷舊麵包舖
希望佢可以一直保存落去！