提一提呢度會收茶錢同前菜費用$20，茶係玄米茶，前菜係汁煮茄子，味道甜甜地，幾好食。
雞翼
雞翼燒到脆卜卜，肉質仲keep住juicy。
牛腸
牛腸以味噌醃製過再燒，非常入味，而且牛腸燒完仲好軟淋，一d都唔乾。
雞腿肉
大蔥雞腿肉既雞皮同雞肉係分開燒，燒完先再合併一齊，所以雞皮好脆而雞肉唔會鞋。
香菇
香菇燒完仲有好多汁。
雞胸軟骨
雞胸軟骨同雞軟骨唔同，軟骨相對大舊d，形狀呈三角形，口感較軟。
梅子紫蘇芝士雞肉卷
呢款串燒好有心思，功夫比較多，用雞肉卷住紫蘇葉同芝士再去燒，之後係上面加上梅子醬，食落口感特別。
金菇豬肉卷
金茹豬肉卷食既時候要小心，因為金茹吸收哂豬肉既精華，食既時候會爆汁。
燒鰻魚
燒鰻魚同樣推介!鰻魚魚肉厚身又軟滑，加左山椒粉令味道更有層次感。
免治雞肉棒
免治雞肉棒會有少少雞軟骨加入去，增加口感，味道唔會太咸。
燒炸豆腐
炸豆腐夠脆，而且唔會好油膩，配埋特色醬汁更好味。
雞湯素麵
雞湯素麵非常特別既一道菜，雞湯係用左3隻雞12個鐘頭去熬製而成，所以好濃郁雞味，感覺好似飲緊雞精華，另外佢加左柚子汁，飲落會fresh d，唔會覺得油膩。一啖素麵一啖雞湯十分好味。
芫荽白蔥沙律 $60
另外我叫左一份特色沙律，芫茜白蔥沙律，白蔥即係京蔥，配以日式酸汁，好開胃。
北極貝 $210
北極貝以牛油去燒，味道好香好鮮甜，值得一提北極貝脂肪低， 含有豐富鐵質。
最後omakase會跟一杯雪糕，當日口味有黑芝麻、益力多、豆腐，我揀左黑芝麻，好香牛奶同黑芝麻味，食得出唔係街買到既品牌。
