春回堂藥行

係中環搵一間涼茶舖實在係好困難，當然呢一間老鋪位置便利，係人流交匯處，如果想係中環飲杯涼茶確實第一時間會諗起佢。

當比錢準備買杯廿四味下一下火，店員將啲涼茶左搬右搬，只係問一句個杯係唔係廿四味，店員就大聲疾呼咁叫：你攞啦！

先不說涼茶幾有功效（我相信好多人只係覺得熱氣先買，唔舒服直接睇中醫啦），正常消費者比完錢買仲要比人鬧既，實在難以接受。如果你話老鋪係咁架啦，我諗佢地實在要與時並進一下，做返基本既要求。咁多遊客幫襯，唔好比個壞印象人地啦唔該。