影片
更多
2015-11-21
569 瀏覽
店名都幾有巧思，心夜來潮，正正就係一間主打夜市既新式潮洲菜餐廳。至於餐廳出品係咪如店名所講咁用心製作，就要一試先知。餐廳戶內座位就較少，大部份都係戶外。但因為難得餐廳位置並唔侷促，涼風送爽之下反而有種室內難以體會既愜意。小米餃 $26 幾好食，較少食潮洲菜唔知係咩黎，但一場黎到當然想試試新野。上到菜發現應該係潮式水餃。其實同一般水餃分別不大，只係皮口感較厚同較彈牙。家常牙籤雞 $26 本身炸雞就就是一樣好難令人失望，但更難令人有驚喜的菜式。店家特意為每一口炸雞插上牙籤，食落比較方便同無咁落狽，呢份心思值得一讚。潮汕砂鍋粥(小) $150 呢個就係必點之選。如果燒味係廣東菜既靈魂，咁潮洲菜既靈魂就一定係砂鍋粥。粥可以自選配料，朋友因為中醫叮嚀唔可以食蟹，所以我地就揀左雞件、雞潤、乾瑤柱同鮑魚。粥底綿滑可口，呢個細既份量已經可以比3到4個人食。而且真係足料，每一啖都食到唔同既配料。但粥比較稀，雖然呢個係潮洲粥既特點，但我覺得如果可以再濃稠多少少會更佳。手打牛肉丸 $32 牛肉丸都幾彈牙，應該真係手打既。連湯上就比較無謂，始終同檯食飯咁樣一碗湯比較難share.招牌牛雜鍋(小) $88 牛雜
餐廳戶內座位就較少，大部份都係戶外。但因為難得餐廳位置並唔侷促，涼風送爽之下反而有種室內難以體會既愜意。
小米餃 $26 幾好食，較少食潮洲菜唔知係咩黎，但一場黎到當然想試試新野。上到菜發現應該係潮式水餃。其實同一般水餃分別不大，只係皮口感較厚同較彈牙。
家常牙籤雞 $26 本身炸雞就就是一樣好難令人失望，但更難令人有驚喜的菜式。店家特意為每一口炸雞插上牙籤，食落比較方便同無咁落狽，呢份心思值得一讚。
潮汕砂鍋粥(小) $150 呢個就係必點之選。如果燒味係廣東菜既靈魂，咁潮洲菜既靈魂就一定係砂鍋粥。粥可以自選配料，朋友因為中醫叮嚀唔可以食蟹，所以我地就揀左雞件、雞潤、乾瑤柱同鮑魚。粥底綿滑可口，呢個細既份量已經可以比3到4個人食。而且真係足料，每一啖都食到唔同既配料。但粥比較稀，雖然呢個係潮洲粥既特點，但我覺得如果可以再濃稠多少少會更佳。
手打牛肉丸 $32 牛肉丸都幾彈牙，應該真係手打既。連湯上就比較無謂，始終同檯食飯咁樣一碗湯比較難share.
招牌牛雜鍋(小) $88 牛雜調味唔錯，好惹味，加一個白飯就係最佳配搭。下面配一個火爐烘烤。不過唔知係唔好彩定點，我地個鍋絕大部分都係牛柏葉同蘿白，激死！總括黎講都唔錯，只係餐廳雖然係旺角，但就近奧運站，唔太就腳。另外就係上菜速度偏慢，明白有菜式要即製，但每樣都等超過十五分鐘以上真係令人失去耐性。食物味道唔錯，價錢得宜，心夜來潮總算名符其實，下次會帶鐘意食潮洲野既朋友黎試！
張貼
