堅信號上海生煎皇 (福榮街)

營業中

休息中

上星期去左位於深水涉既生煎包專門店，明星既店，相信都唔會太差既。先講下環境方面，店鋪唔算好大，不過位置都舒適，唔洗同隔離既人痴太埋，特別係宜家呢D時勢，有得隔番開D都食得放心D。野食方面，當然唔少得叫生煎包啦，仲叫左一個酸菜魚。本來以為酸菜魚，只有魚，原來底下仲有D薯粉，份量仲幾多。可能本身唔太食得辣既關係，我同女朋友2人都覺得幾辣下，最尾真係無辦法食得晒。生煎包方面，話明係生煎包專門店，當然都有番D水準，裡面湯汁超多，一唔小心都會爆汁出黎(店鋪亦好細心有晒提示應該點樣食，呢個加分)。所以鍾意食生煎包既朋友，記得黎試下。