影片
更多
2016-05-10
1071 瀏覽
一向唔鍾意樓上Cafe，覺得得裝修靚，好多時食物都麻麻！但同事想食，就試下啦！但同事拍心口話食過幾好味，一試無妨。原來間Cafe o係駱駝漆大廈，可能因為工廈，呢度環境幾開揚、空間幾大，同隔離位都隔得遠，幾有私人空間，打開menu、價錢都算合理。成班食肉獸同事，我地點左好多肉既晚餐：日本A5和牛：厚切和牛，點左5成，煎得唔錯，切開係想要既紅，肉質鮮美，嫩口彈牙！美國厚切肉眼扒：同樣點左5成，啖啖肉味，呢碟同和牛係兩種感覺，牛味會再濃D，啖啖肉既感覺，如果你係牛魔王，我會建議你....點晒！因為兩碟各有特色。羊鞍：小弟點既菜，比較少人食，可能大家怕氈，我呢位羊Fans就覺得唔錯，肉質香嫩，D香料都配合得幾好！其實仲好、我自己清晒佢！德國鹹豬手：隻豬手都好巨型下，好多肉，我地四個人分都好夠。又炸得夠金黃同香脆，入面D肉就夠腍，配埋伴碟薯蓉好好味，重點唔會覺得太油膩、味道亦唔會太鹹。窩夫：因為食得太多肉，最後點左個窩夫Share。因為製作需時，都等左陣，上碟時係窩夫暖暖地同埋烘得幾脆，點埋雪糕同cream食就岩岩好又唔會淋晒。凍果茶：個人幾喜歡，清清地、落晒佢d糖漿都係岩岩好、少少甜，感覺幾
但同事拍心口話食過幾好味，一試無妨。原來間Cafe o係駱駝漆大廈，可能因為工廈，呢度環境幾開揚、空間幾大，同隔離位都隔得遠，幾有私人空間，打開menu、價錢都算合理。成班食肉獸同事，我地點左好多肉既晚餐：
日本A5和牛：厚切和牛，點左5成，煎得唔錯，切開係想要既紅，肉質鮮美，嫩口彈牙！
美國厚切肉眼扒：同樣點左5成，啖啖肉味，呢碟同和牛係兩種感覺，牛味會再濃D，啖啖肉既感覺，如果你係牛魔王，我會建議你....點晒！因為兩碟各有特色。
羊鞍：小弟點既菜，比較少人食，可能大家怕氈，我呢位羊Fans就覺得唔錯，肉質香嫩，D香料都配合得幾好！其實仲好、我自己清晒佢！
德國鹹豬手：隻豬手都好巨型下，好多肉，我地四個人分都好夠。又炸得夠金黃同香脆，入面D肉就夠腍，配埋伴碟薯蓉好好味，重點唔會覺得太油膩、味道亦唔會太鹹。
窩夫：因為食得太多肉，最後點左個窩夫Share。因為製作需時，都等左陣，上碟時係窩夫暖暖地同埋烘得幾脆，點埋雪糕同cream食就岩岩好又唔會淋晒。
凍果茶：個人幾喜歡，清清地、落晒佢d糖漿都係岩岩好、少少甜，感覺幾清新健康！
整體質素唔錯，會再回頭的。
張貼
