犇之食堂 (已結業)

入到餐廳見到裝修都幾靚幾舒服，平日晚市黎講都算幾多人。我地前菜叫左個皮蛋豆腐，見到menu有兩個牛推介就試下啦～果然皮蛋豆腐既味道都幾唔錯，豆腐幾軟滑，加上沙律醬，唔會話有太重皮蛋味。主菜我地叫左個三寶面同鹽酥雞滷肉飯。三寶面分別係牛筋，牛腩同牛肚。雖然份量無話好多，但都幾高質。反而個滷肉飯就無咩特別，味道普普通通。甜品我地叫左個冰凍芋圓，芋圓都幾煙韌，食落有口感，整體唔會話太甜。野飲我地叫左香芋奶綠同珍珠紅茶latte，味道則較為普通。整體黎講都算幾抵食，下次會再黎！