影片
更多
2021-11-19
732 瀏覽
•呢間「兩三碗車仔麵」最近喺深水埗開咗一間分店，但佢哋嘅本店係喺慈雲山💛 慈雲山嘅本店嘅對面仲有佢哋嘅姊妹店「兩三碗餃子」，好似都幾出名～我有次星期日下晝去咗慈雲山就決定試下佢😋 一到門口發覺超多人，以為要等好耐，點知原來下一張就入得🤣 因為原來大多數都係等緊外賣～•🥢 三餸車仔麵 $38📸招牌豬頸肉+$6 住喺慈雲山嘅朋友表示呢間車仔麵嘅必食係招牌豬頸肉！所以我哋兩個人都各自叫咗其中一個餸係豬頸肉🤤 呢個豬頸肉係香茅炸豬頸肉嚟，每片都切得好厚身，有咬口又好香～ 以一個車仔麵餸嚟講，份量都幾多～📸 墨魚頭 +$2 雖然佢叫「墨魚頭」，但佢其實都有一兩件墨魚鬚～ 口感好彈牙，一啲都唔韌～📸蘿蔔 個人覺得一間車仔麵好唔好食，蘿蔔係其中一個試關鍵🤣 呢間嘅蘿蔔切得好大件，份量都唔少，食落幾甜幾入味，但就煮得唔算好淋，有一兩舊仲有少少渣😬 📸 墨魚春卷 +$2就咁睇名嘅時候，我以為佢係腐皮包住墨魚滑嗰種，但原來係春卷皮包住薄薄一層墨魚滑+少少蔥，然後拎去炸～食落幾香口，不過炸得有啲油，而且入面嘅墨魚滑太薄，份量太少，所以唔太食到墨魚滑嘅彈牙口感🙈📸 芝士粟米餃佢哋有間姊妹店「兩三碗餃子」，所以
呢間「兩三碗車仔麵」最近喺深水埗開咗一間分店，但佢哋嘅本店係喺慈雲山💛 慈雲山嘅本店嘅對面仲有佢哋嘅姊妹店「兩三碗餃子」，好似都幾出名～
我有次星期日下晝去咗慈雲山就決定試下佢😋 一到門口發覺超多人，以為要等好耐，點知原來下一張就入得🤣 因為原來大多數都係等緊外賣～
•
🥢 三餸車仔麵 $38
📸招牌豬頸肉+$6
住喺慈雲山嘅朋友表示呢間車仔麵嘅必食係招牌豬頸肉！所以我哋兩個人都各自叫咗其中一個餸係豬頸肉🤤 呢個豬頸肉係香茅炸豬頸肉嚟，每片都切得好厚身，有咬口又好香～ 以一個車仔麵餸嚟講，份量都幾多～
📸 墨魚頭 +$2
雖然佢叫「墨魚頭」，但佢其實都有一兩件墨魚鬚～ 口感好彈牙，一啲都唔韌～
📸蘿蔔
個人覺得一間車仔麵好唔好食，蘿蔔係其中一個試關鍵🤣 呢間嘅蘿蔔切得好大件，份量都唔少，食落幾甜幾入味，但就煮得唔算好淋，有一兩舊仲有少少渣😬
📸 墨魚春卷 +$2
就咁睇名嘅時候，我以為佢係腐皮包住墨魚滑嗰種，但原來係春卷皮包住薄薄一層墨魚滑+少少蔥，然後拎去炸～食落幾香口，不過炸得有啲油，而且入面嘅墨魚滑太薄，份量太少，所以唔太食到墨魚滑嘅彈牙口感🙈
📸 芝士粟米餃
佢哋有間姊妹店「兩三碗餃子」，所以專登叫咗個餃試一試，但唔知到底係咪同一間餃子嘅出品呢？🧐 因為呢兩隻餃真係幾令人失望🥺 餃子幾大隻嘅，餃子皮都幾滑但同時啲皮幾厚，餡料完全無芝士味，啲肉好嚡，連粟米亦都唔係幾甜😖 下次可能都係再去對面試真啲佢嘅餃子先😬
•
🥢 沙嗲三寶 $40
呢個係可以喺9款餸入面自選3款，我哋就揀咗牛柏葉、魷魚鬚同金菇菜～ 呢3款餸都正正常常，唔會煮到韌晒😚 沙嗲汁都幾夠味幾香，本體少少偏辣，而且份量都幾多😋 但係啲汁係就咁淋上啲餸上面，所以啲餸唔會好入味~
張貼
