老巴剎廚房 (已結業)

尋晚唔知點解冇乜胃口,唻開天后記得有介紹過呢間馬來餐廳,就同女朋友仔入左去食晚飯。由於個人胃口問題,冇叫二人套餐,望住D湯飯發呆,終於揀左娘惹肉碎蟶子湯飯,濕濕地又少少辣會易入口D。女朋友仔要左個香酥羊肋排,加個Rota Prata送。一唻見個湯飯紅卜卜有D驚,事實都算幾辣,但好香兼且有十幾粒中型蟶子響入邊,食左幾啖胃口已經返返唻。蟶子好香好甜好滑又唔韌。個羊排一客有四件,份量算係咁上下啦,味道唔錯,羊味重又香o岩晒我地既口味,女朋友仲食到津津有味添。可惜個餅比較實唔夠鬆化,感覺反而麻麻。呢處D野食唔算平,淨係呢三樣野埋單差唔多180蚊,如果我胃口大好的一天,哈哈...! 整體算唔錯,應該會再唻幫襯。