日和号壽司料理 (已結業)

又去行街街拍拖了，同埋去果度食野，上網搵到尼間好似唔錯，就去試下啦。出面等位期間都唔知原來入面咁大同咁多位～等左一陣都好快就有位坐～職員安排左最入果張枱，後面就係廚房加垃圾車。。。。點解唔安排其他位呀～我仲見到其他位係空架～！！感覺唔衞生啦～咁算數啦都入左黎坐低左，唔再換位了～之後快快睇完餐牌，感覺似之前係黃大仙食過間和氣食堂，內容幾似下，唔知係唔係同集團～咁我地舉手叫人黎落單，但叫左一段時間，其實有位職員係睇到我地，但唔知係老細定唔係職員黎既，見到都扮睇唔到，咁我地繼續舉手，終於有其他職員睇到啦～咁就落單。尼個先生話好食～尼個。。。見仁見智，感覺只係蛋，冇咩特別，唔建議食。尼個好食呀～我最喜歡食尼個。值得推介。尼個雖然好油，但口感好食～同埋好香呀！！最後我都係搵左張紙巾吸左ｄ油先食，但真係好香同好食呀～可以試下呀～整體食物算唔錯，但職員服務態度同衞生環境有待改善。不過如果唔介意後者既只追求好食，可以黎尼度試一試。