Cafe O (已結業)

上星期有日放工後與同事黎傾下計飲杯野, 呢度分兩層,樓下主要賣野食同有兩張高,樓上地方大一點亦好坐一點,仲有一個小露台比人飲飽食醉行出去消消氣(雖然冇景睇),環境氣氛在上環而言實屬罕有,亦比其中環店舒適一點.食物主要走light & healthy 路線,都係pizza,sandwich,salad, 蛋糕等輕食,另有多款飲品同酒供應。七點多來到人很少,可能仍是新開吧,我們在樓上坐了個多小時亦只見兩人客,而且兩都係外國人. 與好同事各叫了一杯飲品和另外叫了一個Bruschetta分享. 我的飲品係blueberry+honey+frozen yohurt, 飲落甜度剛好,但以smoothie來說似乎稀了一點點,不過好處係唔漏. 同事叫了一杯果汁類飲品好似都ok. Bruschetta就麻麻地,雖然等了好一陣子先送上,但toast底本身唔熱,蕃茄粒和香草雖然新鮮但落得太多balsmic vinegar搞到好鬼酸,portion都夠份量,二人食都好夠. 整體食物同飲品都未算出色,價錢亦偏貴,係勝在好坐,或者下次lunch黎試下佢既招牌pizza睇下得唔得.