三星台菜食堂 (The L. Square) (已結業)

係銅鑼灣傳聞係某歌手老公開嘅台灣菜，今日終於黎試下。店內裝潢一般，好平實。一間好乾淨整齊但冇乜特別裝修嘅食堂。店位位置比較少。所以成日去到都要排隊。我地今次試左佢地嘅三星牛肉麵，佢嘅牛肉處理得好好，好入味同埋夠淋，真係幾正。麵都ok ，不過不失。湯都清甜。成碗先唔錯。另外仲叫左第一鹽酥雞 ， 比較細細粒，味道唔錯，粉漿唔會好厚，好啱送酒😂。佢既滷肉飯都值得推介，有別於出面一般嘅滷肉飯，佢豬肉係手切。唔係平時食開嘅碎粒肉燥。好味唔油膩。不過係比較細碗。