幸福班戟 (已結業)

常言道，女人食甜品有第二個胃。我平時都唔係點樣食甜品嘅人黎，呢日食完飯啲朋友話想去食pancake哦，咁就跟咗佢哋去呢一間好出名嘅日本pancake。呢一間pancake有Minimum charge，每人要叫一樣甜品，或者一杯嘢飲。咁我哋四個人就要左三份pancake同一杯茶，始終都係飯後甜品都食唔晒咁多。叫咗一個原味，一個朱古力味，一個奶茶味，同一杯南非茶。個賣相非常之好，望落去啲pancake好鬆軟，個感覺好治癒，同埋雞蛋嘅淡黃色真係好靚，成件事好港女。不過我始終好少食甜品，對於甜品嘅執着唔算太大。我覺得原味係最好食嘅，因為唔算太甜，有好鬆軟好香蛋味。冇其他醬汁遮蓋着啲蛋味，好原始嘅感覺。我其他朋友就話奶茶味同朱古力味都好好食，不過我唔鍾意太甜，我就覺得正常啦。