文記車仔麵 (福榮街)

營業中

休息中

深水埗除左黃金高登之外，向來係一條平民食街，咩種類既野食都有。文記車仔麵都唔係第一次過黎，真係食過翻尋味。七點鐘到達，都幾多人等緊，前面仲有9張枱，大概等左20分鐘到有位。我自己點左個河粉，餸就叫左辣汁螺肉、墨丸、韮菜餃，配埋個瑞士汁，簡直一絕。賣相真係好豐富，材料唔算好多，但湯底濃郁，由於加左辣汁螺肉，湯底微辣。螺肉有咬口，墨丸、韮菜餃配上瑞士汁湯底都幾夾，唔夠味可以加啲菜脯，價錢又貼地，值得一試。另外我仲叫左杯咸檸七，好開胃。