聚聚 (已結業)

前兩日喺屯門市中心行街街，經過「聚聚」，見到有個冬瓜盅餐，中式Fusion 菜，4人餐，又唔貴，試下先😆😆環境：地方裝修好新，地方乾淨企理，用簡單中式設計，卡座寬敞，俾個like 先😌服務：服務員偏向年青，快手快腳，有禮貌，令人滿意。😎食物方面：我哋叫左個四人冬瓜盅套餐，特價1260，我想講好抵，只要你睇下啲食材，就會明白。菠蘿流心皮蛋伴椒麻鮑魚鮑魚爽口，淡香，好食好正路，但你估唔到個皮蛋，勁好食，原來皮蛋同菠蘿可以咁夾👍👍👍夠吋花膠姬松茸冬瓜盅，花膠真心吋，好大塊，冬瓜湯好甜，保溫做得好好，仲要每人一小盅，精神到不得了😍😍😍水煮鬼馬脆魚花，都幾好，脆肉鯇魚切得好靚，係油左少少👍焦糖菠蘿咕嚕肉，正常卡珍香草焗原隻燒春雞，火喉啱啱好，雞肉有汁夠滑，連雞胸都唔會太柴，有啲驚喜😍😍茄湯珍菌浸莧菜，都幾好，但菜式唔係太特別潮式蠔仔肉碎泡飯，呢個又係好掂，湯甜，蠔仔只鮮不腥，最尾上枱我都食左兩碗👍👍👍甜品，我本身唔好，無特別總結：連同食材，$1260，4個人食，我會用平、靚、正嚟形容，整體嚟講，真係好出色，讚👍👍👍