小麻吉滷肉飯 (已結業)

旺角有好多台式小店，今次呢間比較隱蔽，不過見好多人去食，所以去試吓。裝修都幾特別，好colorful 好有台灣feel。香腸炸雞扒滷肉飯食台灣野一定會點嘅就係滷肉飯，呢度最大嘅特色就係有好多配菜選擇，而且仲可以有唔同配搭，啱晒我呢啲乜都想試嘅人。肉燥豬軟骨湯麵豬軟骨好冧好入味，碗湯望落好似冇乜味，其實係有味嘅，麵嘅質地都好唔錯，套餐仲可以加錢轉拌麵，可以滿足到唔同需求嘅人。蔥餅配咖喱汁呢度除咗主食選擇多，小食都好多，而且價錢便宜，十幾蚊已經有一份小食。咖喱汁甜甜哋，好惹味，加上香脆嘅餅，好夾。甘梅脆薯我就好鍾意食呢個炸蕃薯，上面灑滿梅子粉，酸酸甜甜好好味。午市時段仲送埋嘢飲，或者加錢轉特飲。咁嘅價錢去邊度搵😎