高麗軒韓國料理 (已結業)

上星期去開尖沙咀行街，行到攰攰地朋友仔話想食韓燒，於是就試下呢個高麗軒極尙韓式燒肉放題！位置都算坐得舒服，而且難得抽風設備做得幾好，起碼唔見有煙霧瀰漫！食韓國野當然唔少得前菜啦！幾款裡面可能因為天氣熱嘅關係，我比較鍾意青瓜同泡菜最上面嘅生菜係燒肉中唔可以缺少嘅！因為食太少肉會好飽肚，所以中間夾住菜食會中和只食肉嘅飽肚感！下面嘅花甲係本身放題已經有得選擇，因為餐牌上有啲食物係加$38先有嘅！例如中間嘅帆立貝。不過燒好後發現花甲就無帆立貝咁新鮮，可能本身已經落左醬料，我個人較喜歡帆立貝，所以我哋都不停encore帆立貝！哈哈！另外再加上鹽燒什錦拼盤(牛肉、牛舌、豬腩肉)同埋大大盤帶子，全部好新鮮。燒肉中嘅牛肉牛味非常重，又唔韌！好好味！牛舌好滑！而豬腩肉燒完真係好香口呀！食燒肉點會少得牛肉呢？我哋分別再叫咗牛肋骨肉、牛仔骨、牛肉！全部都醃得剛剛好，我地又燒得夠香，真係好好味，好滿足呢！除咗燒嘅食物之外，我哋仲有order咗熟嘅食物，有我最喜歡嘅炒粉絲，用牛肉炒十分足料，而且唔會油淋淋，牛肋骨湯湯底好清甜，仲有朋友至愛嘅韓式炒年糕，辣辣地好惹味！全部熟食都做得好出色，真係幾有水準！我地都覺得