沙田新強記燒鵝海鮮酒家

營業中

休息中

是晚約三五知己酒局，已經唔係第一次嚟，鍾意呢度小菜有咁上下水準又唔貴，唔使就住嚟叫。見隔離枱碟燒腩仔幾靚仔，我又跟機叫咗碟。 燒腩仔冇肥膏就唔好食，但成口油我都麻麻哋，呢度就恰到好處，夠油潤但都係以瘦肉為主，啱晒健康嘅我。見到餐廳名就知道冇可能唔叫燒鵝皇，真係冇失望。 滿足到我想食燒鵝髀嘅渴求，同埋最鍾意食得層皮嘅位，特別甘香脆口，肉薄得黎幼嫩入味，過癮。炸鮮魷有大排檔風味，脆口乾爽，加少少避風塘炸蒜好香，送啤酒一流。