越男仔

營業中

休息中

旺角呢間越南餐廳成日都大排長龍，係呢頭既人氣餐廳。今日下午黎到已經座無虛席，好彩等左唔係好耐就有得入到☺️5 Course Meal in Lunch呢個套餐幾抵食，自選兩款小食、1個主食、餐湯、餐飲。主食叫左牛+豬PHO紅蕃茄湯檬，湯底係特濃蕃茄湯，超香濃，每條檬粉都吸晒湯底既精華，酸甜開胃😋仲有4款餸菜，包括生牛肉、烤牛肉、豬頸肉、豬扒，肉類好軟腍，仲醃過，令口感更豐富😚鐘意食蕃茄湯既朋友一定唔好錯過🤪小食可以叫兩款 手撕雞檬紙卷、牙車快沙律，紙卷包住手撕雞，上面仲落左炸蒜，味道都唔錯！沙律就用左生菜、青瓜絲、肉碎、洋蔥、紅蘿蔔🥕製成，淋埋個酸maymay既醋汁食落好惹味😚另一個就左生牛肉湯河，河粉比較粗身，湯底可以選擇，當然叫番牛骨湯啦，清甜而不膩，生牛肉份量都幾多，亦好軟腍！飲品叫左鴛鴦拉茶，咖啡同奶茶分開上，自己調配比例，又幾過癮😂椰汁拉茶紅豆凍飲落有椰香又有奶茶既味道，仲有粒粒紅豆！