越味皇 (已結業)

好耐無食越南野la ,今日同姊妹去荃灣行下買野，夜晚決定食越味皇，平靚正，又唔會趕人走，可以慢慢食傾下計~食越南野唔少得炸蝦餅，呢度既炸蝦餅大件又厚身，食落啖啖肉亦有蝦鮮味~之後叫左份牛油果軟殼蟹米紙卷，點埋個醋汁食好酸酸甜甜好開胃~越式牛油雞翼都係唔少得，炸得金黃既外皮甩卜卜，富牛油香，雞肉嫩滑有汁，大大隻食得夠爽~呢款蝦春卷既外皮係網紋果種，所以咬落口感特別酥脆，包住原隻蝦，爽口彈牙~因為好想食蒜蓉包所以點左呢個咖哩牛腩，牛肉夠腍身，有牛香，咖哩汁香濃帶椰香味，點蒜蓉包食超正~朋友叫左個大椰青，清甜解喝~我既龍眼冰濃郁甘甜~