意蠔屋 (千禧閣)

營業中

休息中

估唔到係由西區人介紹返我呢個東區之友去食😂 價錢超實惠，店面細細好多人幫襯。口味方面係細細個食開嗰種唔正宗但食得好開心嘅個港式西餐風味咖哩牛柳焗飯（加芝士）- 咖哩係偏甜同奶味帶啲南洋風，小朋友食都唔會刺激，牛柳滑仲有薯角，好豐富！唯一要減分係個飯唔係炒飯底~芝士焗生蠔 - 鹹鮮嘅味道，生蠔唔係好大但係焗完唔會縮曬仲係保持到嫩滑口感~肉醬意粉配瑞士汁雞翼 - 要讚下佢哋嘅雞翼超厚肉，瑞士汁滷得入味。同肉醬意粉又竟然夾喎~ 午市連餐湯加嘢飲先50蚊 （晚市都係53蚊，大癲）呢個價錢真係抵到不得了！